Giresse pritet ta ndryshojë formacionin nga ndeshja e parë me Irlandën e Veriut, kështu mund të luajë sot Kosova

Kosova do të synojë vetëm fitoren ndaj Irlandës së Veriut sot (e shtunë) në kuadër të Ligës së Kombeve.

Ndeshja që fillon në ora 18:00, do të luhet në rrethin e pestë të garës së re të UEFA-s, përkatësisht në stadiumin “Windsor Park” në Belfast.

Aktualisht Kosova është në vendin e dytë në Grupin 2 të Ligës C, me gjashtë pikë, gjashtë më pak se Greqia dhe katër më shumë se Irlanda e Veriut e Qipro.

Lexo po ashtu Dita e Kosovës: Dardanët janë mysafirë të Irlandës së Veriut në Ligën e Kombeve

Si çdo herë, edhe kësaj radhe – Telegrafi ua sjell formacionin e mundshëm të Përfaqësueses tonë.

Alain Giresse pritet që këtë takim ta nisë me skemën 4-2-3-1, duke e ndryshuar me atë nga ndeshja e parë, kur kishte luajtur në 4-3-3.

Në portë pritet të jetë Arijanet Muriçi, e para tij mund të vendosen Florent Hadërgjonaj, Betim Fazliji, Fidan Aliti dhe Donat Rrudhani.

Si mesfushorë defanzivë priten të caktohen Hekuran Kryeziu dhe Ibrahim Dresevic.

Milot Rashica, Bersant Celina dhe Arbër Zeneli pritet ta ndihmojnë Vedat Muriqin e vetmuar në sulm.

Bazuar në këtë formacion, cili mendoni se do të ishte rezultati final i ndeshjes? /Telegrafi/

View this post on Instagram

A post shared by Telegrafi Sport (@telegrafisport)