Abdixhiku nuk konfirmon e as mohon kalimin e deputetes Doarsa Kica-Xhelili në LDK

Kryetari i Lidhjes Demokratike të Kosovës, Lumir Abdixhiku, pas mbledhjes së Kryesisë  së LDK-së u pyet për raportimet se deputetja e Partisë Guxo, Doarsa Kica-Xhelili, ka kaluar në LDK.

Abdixhiku tha se e vlerëson integritetitn dhe profesionizmin e deputetes Kica Xhelili.

“Kam thënë edhe më parë që deputetja Doarsa Kica-Xhelili është një nga deputetet profesioniste që Kuvendi ka, ajo ka treguar integritet dhe ne kemi thënë se jemi të hapur për profesionistët më të mirë që ka Kosova.Për çdo informacion, në këtë çështje dhe të tjera do të merrni vesh nga LDK në kohën e duhur”, tha ai.

Ai tha poashtu se njerëz që kanë kredibilitet do të shkojnë në LDK.

“Prandaj, ne besojmë që këta njerëz do të vijnë në LDK, s’po flasim për grupe por për individë me kredbilitet që i shtojnë vlera LDK-së”, tha Abdixhiku.

Lexo po ashtu Deputetja Doarsa Kica ka kaluar në LDK? Reagojnë nga Lista Guxo

Doarsa Kica Xhelili u zgjodh deputete e Kuvendit në zgjedhjet e fundit të jashtëzakonshme parlamentare.

Në garë hyri në listën e Vetëvendosjes, por si emër i propozuar atë kohë nga Lista Guxo e themeluar nga Vjosa Osmani, por që u tërhoq nga politika kur mori postin e presidentes së shtetit.