SHBA paralajmëron Turqinë – kompanitë turke mund të sanksionohen nëse bashkëpunojnë me Rusinë

Zyrtarët turk minimizuan një paralajmërim të SHBA-së se kompanitë e tyre mund të sanksionohen në rast se bëjnë biznes me kompanitë ruse nën sanksionet për luftën në Ukrainë.

Shoqata turke e biznesit TÜSİAD konfirmoi në fillim të kësaj jave se mori një letër nga Departamenti Amerikan i Thesarit që paralajmëronte kompanitë se ato mund të sanksionoheshin për bashkëpunim me kompanitë ruse që janë në listën e zezë të SHBA-së.

“Është e kotë që kompanitë turke të shqetësohen për letrën nga Uashingtoni. Ankaraja është e vendosur të përmirësojë tregtinë me fqinjët tanë në sektorë të ndryshëm në një kuadër që nuk i nënshtrohet sanksioneve. Bota jonë e biznesit duhet të ndiejë gjithmonë forcën e shtetit në anën”, shkroi në Twitter ministri turk i financave, Nureddin Nebati.

ABD Hazine Bakanlığı'nın Türk iş dünyası örgütlerine gönderdiği mektupta da belirtildiği üzere, Türk işletmeleri dünyadaki en yenilikçi şirketler arasında yer alıyor ve önemli zorlukların üstesinden gelerek büyümeye devam ediyor.

— Dr.Nureddin NEBATİ🇹🇷 (@NureddinNebati) August 26, 2022

Turqia, anëtare e NATO-s, është pozicionuar si ndërmjetëse midis Ukrainës dhe Rusisë që kur Moska pushtoi vendin fqinj në shkurt.

Dhe ndërsa Ankaraja ka kritikuar Moskën, ajo ka refuzuar t’i bashkohet sanksioneve perëndimore, duke përmendur varësinë nga turizmi, tregtia dhe energjia ruse.

Turqia do t’i paguajë Rusisë një pjesë të faturës së gazit natyror në rubla dhe dëshiron të forcojë më tej lidhjet ekonomike, tha presidenti turk Recep Tayyip Erdogan pas takimit me homologun rus, Vladimir Putin në Sochi, Rusi, në fillim të gushtit. /Telegrafi/

Türk iş dünyası örgütlerine iletilen mektubun iş çevrelerimizde bir endişe yaratması anlamsızdır. Türkiye dünyanın en önemli siyasi ve ekonomik güç merkezlerinden biridir. İş dünyamız devletinin gücünü her zaman yanında hissetmelidir.

— Dr.Nureddin NEBATİ🇹🇷 (@NureddinNebati) August 26, 2022