Kryetari i Partisë Demokratike të Kosovës, Memli Krasniqi, thotë se Qeveria Kurti po abstenon karshi krizës më të rëndë ekonomike që ka kapluar qytetarët e Kosovës dhe me potencial të madh për ta rënduar edhe më tutje gjendjen e vështirë socio-ekonomike që po mbizotëron në Kosovë.
Sipas kreut të opozitës, në kohën kur të gjithë kishin sytë nga rritja e çmimeve, qytetarëve të Kosovës iu prezantua edhe një sfidë e re – ajo e reduktimeve të energjisë elektrike në mes të verës.
Lideri i PDK-së ka shkruar në faqen e tij në Facebook se në tërë këtë situatë, Qeveria e Kosovës ka shfaqur vendosmëri të lartë për të refuzuar çdo rekomandim që do të ndikonte në frenimin e rritjes së çmimeve, por edhe rekomandimet për rritjen e pagave, e të paktën të pensioneve dhe të përfitimeve nga skemat sociale, për aq sa është niveli i inflacionit.
“Kur pritjet për ekonominë këtë vit sa shkojnë e përkeqësohen, Qeveria e Kosovës duket se ka hequr dorë nga çdo përpjekje serioze për ta ndihmuar vendin që ta përballojë krizën ekonomike me të cilën po ballafaqohet. Në vend të kësaj, Qeveria më tepër duket e përcaktuar për një fushatë informuese me të cilën synon t’i njoftojë qytetarët se sa i rëndë do të jetë dimri që po vjen”, ka shkruar Krasniqi.
Ai ka shtuar se të dhënat për muajin korrik tregojnë se çmimet e ushqimit në Kosovë kanë qenë për 22.1% më të larta në krahasim me periudhën e njëjtë të vitit paraprak, përderisa të ardhurat e qytetarëve, kanë mbetur të njëjta me periudhën e para krizës e që në terma real, e sipas Krasniqit, nënkupton një rënie të konsiderueshme të fuqisë blerëse.
“Në tërë këtë situatë, Qeveria e Kosovës ka shfaqur vendosmëri të lartë për të refuzuar çdo rekomandim që do të ndikonte në frenimin e rritjes së çmimeve, por edhe rekomandimet për rritjen e pagave, e të paktën të pensioneve dhe të përfitimeve nga skemat sociale, për aq sa është niveli i inflacionit. Në këtë mënyrë, Qeveria ka zgjedhur abstenimin karshi krizës më të rëndë që ka kapluar vendin, me potencial të madh për ta rënduar edhe më tutje gjendjen e vështirë socio-ekonomike që po mbizotëron në Kosovë”, tha kreu i PDK-së Memli Krasniqi.
Postimi i plotë:
Kur pritjet për ekonominë këtë vit sa shkojnë e përkeqësohen, Qeveria e Kosovës duket se ka hequr dorë nga çdo përpjekje serioze për ta ndihmuar vendin që ta përballojë krizën ekonomike me të cilën po ballafaqohet.
Në vend të kësaj, Qeveria më tepër duket e përcaktuar për një fushatë informuese me të cilën synon t’i njoftojë qytetarët se sa i rëndë do të jetë dimri që po vjen.
Të dhënat për muajin korrik tregojnë se çmimet e ushqimit në Kosovë kanë qenë për 22.1% më të larta në krahasim me periudhën e njëjtë të vitit paraprak, përderisa të ardhurat e qytetarëve, kanë mbetur të njëjta me periudhën e para krizës e që në terma real, nënkupton një rënie të konsiderueshme të fuqisë blerëse.
Në tërë këtë situatë, Qeveria e Kosovës ka shfaqur vendosmëri të lartë për të refuzuar çdo rekomandim që do të ndikonte në frenimin e rritjes së çmimeve, por edhe rekomandimet për rritjen e pagave, e të paktën të pensioneve dhe të përfitimeve nga skemat sociale, për aq sa është niveli i inflacionit.
Në këtë mënyrë, Qeveria ka zgjedhur abstenimin karshi krizës më të rëndë që ka kapluar vendin, me potencial të madh për ta rënduar edhe më tutje gjendjen e vështirë socio-ekonomike që po mbizotëron në Kosovë.
Në kohën kur të gjithë kishin sytë nga rritja e çmimeve, qytetarëve të Kosovës iu prezantua edhe një sfidë e re – ajo e reduktimeve të energjisë elektrike në mes të verës.
Dështimi për ta furnizuar vendin me energji elektrike, madje edhe gjatë kësaj periudhe, paraqet paralajmërimin më të përafërt lidhur me atë se çka mund të presim për muajt që pasojnë, sidomos në stinën e dimrit.
Dështimi i Qeverisë gjatë vitit të kaluar për të siguruar furnizim të mjaftueshëm me energji elektrike, me kushte më të favorshme, duket se nuk ka sjellë ndonjë mësim për institucionet as për këtë vit. Madje, as për t’i bërë përgatitjet e nevojshme për funksionim të plotë të kapaciteteve vendore të prodhimit të energjisë elektrike.
Të gjitha këto zhvillime ndikojnë negativisht mbi konsumin, prodhimin dhe investimet në ekonominë e vendit, të cilat më tutje shtrijnë ndikim negativ në shkallën e punësimit dhe në të ardhurat e qytetarëve.
Sikur të mos mjaftonin këto goditje për ekonominë, pikërisht gjatë këtij viti, Qeveria e Kosovës, ka bllokuar pothuajse në tërësi investimet publike kapitale. Shkalla e realizimit të investimeve publike kapitale deri në muajin qershor paraqet vetëm 11% të shpenzimeve të planifikuara për vitin 2022 për këtë kategori.
Me këtë, ekonomisë së vendit po i mohohet një burim shumë i rëndësishëm i gjenerimit të aktivitetit ekonomik, përderisa vlera reale e depozitave të grumbulluara nga Qeveria çdo ditë e më tepër po bie si rezultat i inflacionit dhe rritjes së vazhdueshme të çmimeve.
Si pasojë e këtyre kushteve, parashikimet e fundit lidhur me rritjen ekonomike në Kosovë për vitin 2022 sugjerojnë një normë të rritjes prej vetëm rreth 2.5%.
Por, me këtë mendësi qeverisëse, me këtë paaftësi e neglizhencë të frikshme, vazhdimi i kushteve aktuale ka gjasa të mëdha që ta shpie ekonominë e vendit tonë në një cikël të rënies apo recesionit, i cili duke qenë i shoqëruar me këtë normë të lartë të inflacionit, paraqet një skenar ogurzi për ekonominë e vendit dhe për mirëqenien e qytetarëve.
Në gjithë këtë situatë të rënduar, Qeveria përveç se është e humbur, po abstenon nga përgjegjësia që ka, ndërsa familjet kosovare kanë mbetur të vetmuara, pa asnjë mbështetje nga shteti i tyre, duke pritur ballafaqimin e vështirë me dimrin e rëndë që po vjen. /Telegrafi/
Lufta Prigozhin - Putin
Më shumëProplus Call Center po vjen edhe në Gjilan!
Ditët me fat kanë mbërritur në Neptun!
FASAL paraqet inovacionet e reja në Global Albanian Gastronomy Festival
Ekzaminime falas për kancerin e gjirit në Albi Mall më 12 dhe 13 tetor
Buxheti i Kosovës ngulfatet nga skemat sociale
Ministri Zharku përuroj asfaltimin e rrugës Botushë - Koshare
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Barcelona do të tentojë transferimin e yllit të Bayernit të cilit i skadon kontrata në fund të sezonit
Njihuni me "ishullin parajsë" në Belize, ku çmimi për një shtëpi nuk është i lirë, por ka shumë për të ofruar
Ky është çifti që thuhet se u gjetën të vdekur, të përqafuar nën rrënoja - pas përmbytjeve shkatërruese në Bosnjë
Ukraina nuk do të anëtarësohet në NATO për sa kohë që unë jam në krye të qeverisë sllovake - thotë kryeministri Fico
Ushqimi për FSK-në - flet ministri i Mbrojtjes, Ejup Maqedonci
Tifozët e Man United po kërkojnë shitjen e një lojtari pas paraqitjes së dobët ndaj Aston Villës