Turisti rus aksidentalisht zbulon pozicionin e sistemit raketor S-400 në Krime, ushtria ukrainase e “falendëron për punën e mirë”

Ushtria ukrainase ka publikuar fotografinë, ku pretendohet se shfaqet turisti rus i cili pozon pranë sistemit raketor rus S-400.

E me këtë veprim është zbuluar lokacioni i këtij sistemi raketor të rusëve, që sigurisht se do të gjurmohet e ndoshta edhe të shkatërrohet nga ukrainasit, transmeton Telegrafi.

Madje me një dozë ironie, ukrainasit falënderuan burrin për ndihmën që u ka ofruar – pra për zbulimin e lokacionit të S-400.

Lexo po ashtu Inteligjenca amerikane thotë se Rusia planifikon të kryej sulme të reja, mbi infrastrukturën civile në Ukrainë

“Ndoshta jemi paksa të ashpër me turistët rusë… Nganjëherë mund të jenë shumë të dobishëm. Ky burrë u fotografua pranë sistemit raketor S-400 në Jevpatori në Krimenë e okupuar. Faleminderit dhe vazhdon me punë të mira”, ka shkruar ushtria ukrainase.

Maybe we are being too hard on russian tourists… Sometimes they can be really helpful. Like this man taking pictures at russian air defense positions near Yevpatoria, in occupied Crimea. Thank you and keep up the good work! pic.twitter.com/bj5oEyXU0H

— Defense of Ukraine (@DefenceU) August 22, 2022

Fotografia është publikuar muajin e kaluar, e sipas ukrainasve kjo u ndihmoi të lokalizojnë saktësisht sistemin raketor të rusëve.

Gabime të tilla amatoreske, rusët po i bëjnë vazhdimisht, pasi gafe të tilla po u kushtojnë shtrenjtë siç ishte rasti i selisë së përkohshme të ushtrisë private të presidentit rus Vladimir Putin – Wagner, që postuan një fotografi pranë një objekti, që kaq i mjaftoi ukrainasve që ta lokalizojnë dhe bombardojnë me sistemin e avancuar raketor amerikan HIMARS. /Telegrafi/