Vuçiq tha se çeçenët kanë komplotuar për të vrarë serbët e Kosovës, reagon Presidenca: Këto dezinformata po mbështeten nga mediet pro-qeveritare

Presidenca e Kosovës ka reaguar lidhur me pretendimet e presidentit të Serbisë, Aleksandar Vuçiq se forcat çeçene dhe çerkeze po komplotojnë për të vrarë serbët lokal në vendin tonë.

Këto narrativë të Vuçiqit e kanë mbështetur mediet të cilat janë pro-qeverisë së tij në Serbi, shkruan Telegrafi.

Ndaj këtyre pohimeve, duke i quajtur shpifje, ka reaguar Presidenca e Kosovës.

Lexo po ashtu Presidenca: Vuçiq duhet ta dijë se frikësimi i kosovarëve me ‘stilin Milosheviq’ do të dështojë

Shefi i kabinetit të presidentes Vjosa Osmani, Blerim Vela në një shkrim në Twitter ka thënë se këto deklarata janë shpifja e radhës së Vuçiqit dhe se i shërbejnë narratives së Rusisë.

“Mediet pro-regjimit të Serbisë po përforcojnë dezinformatat e promovuara nga Aleksanadar Vuçiq gjatë konferencës së djeshme për shtyp: Asnjë shqiptar nga Kosova nuk iu bashkua luftës në Ukrainë. Asnjë çeçen apo çerkez nuk ka komplotuar për të vrarë serbët e Kosovës. Kjo dezinformatë i shërben narratives së Rusisë”, ka theksuar Vela. /Telegrafi/

🚨#Serbia’s pro-regime media are amplifying disinformation promoted by #Vučić during yesterday’s press conference:

‼️ No Albanians from Kosovo joined the war in Ukraine

‼️ No Chechens or Cherkess have plotted to assassinate #Kosovo Serbs

This disinfo serves #Russia’s narrative pic.twitter.com/R0vmsN0Crp

— Blerim Vela (@Blerim_Vela) August 22, 2022