Tifozi i Man Utd i kërkon Alex Fergusonit të kthehet dhe të menaxhojë klubin

Një tifoz i kërkoi ish-trajnerit legjendar të Manchester Unitedit, Sir Alex Fergusonit, të kthehej dhe të menaxhonte klubin ndërsa qëndronte jashtë Old Trafford.

Përpara sezonit 2022/23, Fergusonit iu dha një rol i ri konsulent në United nga shefi ekzekutiv Richard Arnold.

Sipas The Mail, 80-vjeçari do të punojë në muajt e ardhshëm me bordin e këshilltarëve të klubit – Richard Arnold, ish-shefin ekzekutiv David Gill, ish-kapitenin e Unitedit, Bryan Robson dhe drejtorin e futbollit John Murtough.

Ferguson, i cili u tërhoq në vitin 2013 pas 26 viteve të ngarkuara me trofe në klub, ka ndjekur rregullisht ndeshjet në shtëpi në Old Trafford që kur u largua nga karrigia e nxehtë.

Lexo po ashtu Ferguson rikthehet te Manchester United

Dhe ai ishte përsëri i pranishëm për humbjen e tyre në ndeshjen hapëse të sezonit kundër Brighton.

Ish-trajneri i Aberdeenit është parë në Old Trafford kohëve të fundit dhe së fundmi, Ferguson ishte gati të hipte në një makinë kur një tifoz i United i kërkoi atij të kthehej.

Videoja, e postuar nga një përdorues i rrjeteve sociale tregon fansin duke thënë: “O zot, ai është këtu! Fergie! Fergie! Kthehu dhe na menaxho! Ne kemi nevojë për ty!”.

Pas disa të qeshurash nga turma e njerëzve, Ferguson buzëqesh dhe vazhdon drejt veturës kur duhej të hipte për të ‘ikur’ nga stadiumi. /Telegrafi/

https://www.tiktok.com/@kinghamza939/video/7132275938301103365?_r=1&_t=8Uvpqwk6HBe&is_from_webapp=v1&item_id=7132275938301103365