Kuleba i përgjigjet Lavrovit: Rusët duan gjak dhe jo negociata

Ministri i Jashtëm ukrainas, Dmytro Kuleba kërkoi sot më shumë armë dhe sanksione shtesë pas njoftimit të Moskës për zgjerimin e ofensivës në Ukrainë.

“Rusët duan gjak, jo negociata. Unë u bëj thirrje të gjithë partnerëve të forcojnë sanksionet kundër Rusisë dhe të përshpejtojnë dërgimin e armëve në Ukrainë”, shkroi Kuleba në Twitter.

Ai reagoi ndaj njoftimit të homologut rus, Sergey Lavrov, se Moska nuk do të përqendrohet ekskluzivisht në lindje të Ukrainës dhe se negociatat mes dyja vendeve nuk kanë “nuk ka kuptim” në situatën aktuale.

By confessing dreams to grab more Ukrainian land, Russian Foreign Minister proves that Russia rejects diplomacy and focuses on war and terror. Russians want blood, not talks. I call on all partners to step up sanctions pressure on Russia and speed up arms deliveries to Ukraine.

— Dmytro Kuleba (@DmytroKuleba) July 20, 2022

“Rrëfimet e ministrit të Jashtëm rus për ëndrrën e tij të pushtimit të territoreve të tjera ukrainase dëshmojnë se Rusia refuzon diplomacinë dhe përqendrohet në luftën dhe terrorin”, tha ministri ukrainas.

“Objektivat gjeografike” të Rusisë në Ukrainë kanë ndryshuar duke përfshirë jo vetëm republikat popullore separatiste Donetsk dhe Luhansk në Ukrainën lindore, por edhe një numër rajonesh të tjera, kishte pohuar Lavrov.

Lexo po ashtu Rusia ka ndryshuar synimet në Ukrainë

“Tani gjeografia (jonë) është e ndryshme. Nuk janë vetëm DNR dhe LNR, është gjithashtu rajoni Kherson, Zaporizhzhia dhe një sërë territoresh të tjera”, tha ai.

Ndryshe, Rusia ka vazhduar edhe sot me sulme duke shkaktuar viktima dhe dëme materiale. /Telegrafi/