Mijëra të tjerë të evakuuar ndërsa Franca përballet me ‘apokalipsin e shkaktuar nga të nxehtit’

Franca ka angazhuar më shumë aeroplanë “hedhës uji” dhe qindra zjarrfikës të tjerë për të luftuar përhapjen e zjarreve që po ndihmoheshin të hënën nga erërat nga një valë e të nxehtit që ka kapluar pjesën më të madhe të Evropës.

Sipas Euronews, përcjell Telegrafi, me ndryshimin e drejtimit të erërave, autoritetet në Francën jugperëndimore njoftuan planet për të evakuuar më shumë qytete dhe për të zhvendosur 3500 njerëz të rrezikuar të gjenden “në rrugën e flakëve të furishme”.

Tre aeroplanë të tjerë që hidhnin ujë po i bashkoheshin gjashtë të tjerëve që tashmë bënin një gjë të tillë në mënyrë të përsëritur mbi flakët dhe retë e dendura të tymit, tha Ministria e Brendshme të dielën mbrëma.

Sipas tyre, më shumë se 200 përforcime po i shtoheshin gjithashtu forcës prej 1500 trupash të zjarrfikësve që luftojnë natë e ditë për të frenuar flakët përmes pyjeve me pisha të thata të rajonit Gironde, të cilat gjithashtu po dërgojnë prush të ndezur në ajër, duke përhapur më tej flakët.

Ndryshe, zjarrfikësit vazhduan të luftojnë zjarret në Francë, Spanjë dhe Portugali të dielën, ndërsa Evropa po përballet me një valë jashtëzakonisht ekstreme të të nxehtit që autoritetet në Madrid thanë se solli qindra vdekje.

Dy zjarre të mëdha, të cilat kanë konsumuar pyjet me pisha për gjashtë ditë në Francën jugperëndimore, detyruan një evakuim fillestar të rreth 14,000 njerëzve.

Disa nga zjarret më të rënda të parë deri më tani kanë qenë në Portugali, ku piloti i një aeroplani zjarrfikës vdiq të premten pasi aeroplani i tij u rrëzua gjatë një operacioni në verilindje.

Ky ishte fataliteti i parë i lidhur me zjarrin në Portugali këtë vit. Zjarret kanë plagosur më shumë se 160 njerëz këtë javë dhe kanë detyruar qindra të evakuohen.

Ndërsa në Spanjë, zjarrfikësit të mbështetur nga brigadat ushtarake u përpoqën të shuanin mbi 30 zjarre që konsumonin pyjet e përhapura në të gjithë vendin.

Departamenti i Mbrojtjes Kombëtare i Spanjës tha se “shumica” e aeroplanëve të saj zjarrfikës janë vendosur për të arritur deri te flakët, shumë prej të cilave janë në terrene të thyer, kodrinor që janë të vështirë për t’u qasur nga ekuipazhet tokësore.

Sezoni i zjarreve ka goditur disa pjesë të Evropës më herët se zakonisht këtë vit pas një pranvere jashtëzakonisht të thatë dhe autoritetet thonë se në këtë ndryshimi i klimës ka luajtur një rol të rëndësishëm. /Telegrafi/