Alexis Sanchez ia tregon Interit kërkesën për ta shkëputur kontratën

Alexis Sanchez nuk është në skuadrën e Interit për miqësoren e sotme (e shtunë) me Monacon dhe refuzon 4 milionë euro për të ndërprerë kontratën e tij para kohe.

Kiliani i kishte rezistuar tashmë një shitje sezonin e kaluar dhe përfundoi duke dhënë një kontribut të fortë në suksesin e tyre si në Superkupën Italiane ashtu edhe në Kupën e Italisë.

Megjithatë, ai nuk është pjesë e planeve të trajnerit Simone Inzaghi dhe klubi është i etur për të larguar nga librat financiar pagën e tij prej 7 milionë eurosh.

Kjo është arsyeja pse Sanchez nuk është as në skuadrën e Nerazzurrëve për miqësoren e sonte me Monacon.

Sipas faqes FCInter1908.it, lojtari po përpiqet ta bëjë këtë sa më të vështirë të jetë e mundur, duke refuzuar një pagesë prej 4 milionë euro për të përfunduar kontratën e tij një vit më herët.

Sanchez-Inter sempre più lontani: non convocato col Monaco. Cosa manca per l’addiohttps://t.co/aiNMNQHz5T

— Fcinter1908 (@fcin1908it) July 16, 2022

Ai dëshiron një pjesë edhe më të madhe të pagës dhe sa më shumë të zvarritet situata, aq më shumë muaj Interi duhet ta paguajë atë që nuk luan.

Kjo gjithashtu do të thotë se Interi nuk mund t’i lërë vend Paulo Dybala derisa Alexis Sanchez të largohet.

Kjo pagë neto prej 7 milionë euro për sezon është gjithashtu arsyeja pse Interi ishte në gjendje të nënshkruante kilianin pa pagesë nga Manchester United në 2020 pas huazimit fillestar. /Telegrafi/