Mickoski: Qeveria e ardhshme do të udhëhiqet nga ne, bullgarët nuk do të përfshihen në Kushtetutë

“Gjithsej 44 deputetë të OBRM-PDUKM-së dhe Koalicionit, si garanci për popullin, vërtetuan në noter deklaratat se nuk do të pranojnë ndryshimin e Kushtetutës me ndërgjegje të pastër dhe ndërgjegje të shëndoshë”, njoftoi lideri i partisë politike OBRM-PDUKM, Hristijan Mickoski në konferencën e sotme për shtyp.

Ai ka theksuar se protestat e përditshme nuk kanë qenë luftë e tij apo e partisë, por e popullit.

Lidhur me zhvillimet e sotme në Kuvend, Mickoski i cilësoi si turp për shtetin.

Ai tha se zgjedhje duhet të ketë, dhe OBRM-PDUKM garanton se bullgarët nuk do të përfshihen në Kushtetutë, dhe garanci për këtë janë deputetët e opozitës që janë bashkë në këtë betejë.

Qeveria e ardhshme e udhëhequr nga OBRM-PDUKM, sipas Mickoskit, do të ketë një detyrë të vështirë për të korrigjuar gabimet e qeverisë aktuale dhe, siç thotë ai, “ta kthejë atë që është vjedhur dhe t’i bëjë të përgjigjen për atë që kanë bërë”.

Ndryshe, deputetët e opozitës maqedonase, sot lëshuan sallën e kuvendit në momentin që do të bëhej votimi për miratimin e propozimit francez.