Cristiano Ronaldo merr ofertë marramendëse për të luajtur në Arabinë Saudite

Legjendës së Manchester Unitedit, Cristiano Ronaldos i është ofruar një mega propozim për të luajtur në Arabinë Saudite.

Sipas gazetës portugeze të lajmeve CNN Portugal, klubi i paidentifikuar me qendër në Lindjen e Mesme është i gatshëm t’i ofrojë klubit të Old Trafford një tarifë transferimi prej 30 milionë euro, që është më shumë se sa ata i paguan Juventusit për të rikthyer Ronaldon në Ligën Premier verën e kaluar.

Nëse Ronaldo pajtohet me lëvizjen, ai do të marrë një pagë prej 105 milionë funte (125 milionë euro) në vit, që do të thotë se do të fitojë 210 milionë funte (250 milionë euro) gjatë dy sezoneve në Arabinë Saudite.

Paketa e ofruar nga klubi shumë i pasur arab përfshin edhe 20 milionë funte (23.66 milionë euro) tarifa për agjentët.

An offer from a Saudi Arabian club for Cristiano Ronaldo would see #mufc receive €30m. Ronaldo is waiting to receive €250m over two seasons #mulive [@tvi, @cnnportugal]

— utdreport (@utdreport) July 13, 2022

Ronaldo e tronditi Unitedin në thelb në fillim të muajit pasi i kërkoi klubit ta linte të largohej nëse do të vinte një ofertë e kënaqshme për të.

Që nga kërkesa e tij për transferim, ai ka munguar në stërvitjet para-sezonale të klubit për shkak të ‘arsyeve personale/ familjare’ dhe gjithashtu nuk ka udhëtuar për turneun e para sezonit në Tajlandë.

Lexo po ashtu "Është koha që unë të largohem", Ronaldo kërkon përfundimisht largimin nga Man Utd

Megjithatë, pavarësisht dëshirës së Ronaldos për të kërkuar një largim, United heziton ta shesë.

Edhe trajneri i ri Erik ten Hag ka thënë gjatë një konference për shtyp në Bangkok se portugezi mbetet në planet e tij për sezonin e ardhshëm. /Telegrafi/