Ajo çfarë i ndodhi Liverpoolit në miqësoren me Unitedit – Klopp ofron detajet

Jurgen Klopp ka pretenduar se mposhtja 4-0 e Liverpoolit nga Manchester United në një miqësore parasezonale ‘erdhi shumë herët’ për disa nga lojtarët e tij.

Reds u mposhtën pas golave ​​të Jadon Sancho, Fred, Anthony Martial dhe Facundo Pellistri në stadiumin Rajamangala në Tajlandë të martën.

Por, trajneri gjerman këmbënguli se ata ua dhanë shumicën e golave ​​Djajve të Kuq – duke luajtur ndeshjen e tyre të parë nën trajnerin e ri Erik ten Hag – dhe tha se ishte ‘shumë e frikshme’ që ata nuk shënuan duke pasur parasysh numrin e rasteve që kishin.

Lexo po ashtu Manchester United deklason Liverpoolin në miqësoren e Tajlandës, debuton me fitore trajneri Erik ten Hag

“Rezultati padyshim qëndron atje, kështu që ne duhet ta pranojmë atë gjithmonë. Sigurisht, mendoj se është e qartë se ne mund të kishim shënuar edhe golat tanë”, deklaroi Klopp.

“Do të kishte qenë një lojë edhe më spektakolare sepse golat që dhuruam… duhet të marrim asistime për të, të jem i sinqertë”.

“Por, ata shfrytëzuan shanset e tyre, kështu që është kështu. Ata patën momente shumë të mira, na shkaktuan probleme, por pashë shumë gjëra të mira edhe nga një ekip”.

“Ndeshja ka ardhur shumë herët për ne, për disa nga lojtarët tanë. Ju gjithashtu mund ta shihni atë. Gabimet ndodhin në futboll. Mund të kishim shënuar tre ose katër gola në pesë minutat e fundit, por nuk e bëmë dhe ky ishte faji ynë”, ka shtuar më tej gjermani. /Telegrafi/