Lavrov nuk mundi t’i përballonte kritikat, largohet nga salla e samitit të G20

Kryediplomati rus, Sergey Lavrov u largua nga takimi me ministrat e jashtëm të G20-së në Indonezi, ndërsa fuqitë perëndimore kritikuan Moskën për pushtimin e saj në Ukrainë.

Uashingtoni dhe aleatët dënuan sulmin e Rusisë përpara se Ministri i Jashtëm, Lavrov të përballej me atë që Sekretari i Shtetit i SHBA-së, Antony Blinken i quajti një breshëri kritikash perëndimore ndaj shtetit rus.

“Ajo që ne kemi dëgjuar sot tashmë është një kor i fortë nga e gjithë bota… për nevojën për t’i dhënë fund agresionit”, tha Blinken nga takimi në ishullin turistik të Bali, raporton ap.

⚡️ Lavrov leaves G20 summit due to boycott, – Der Spiegel.

The foreign ministers of the G20 countries at the Indonesian summit decided to ignore Lavrov. First, the diplomats refused to take a photo with him, and then the ministers of the G7 countries missed the official dinner. pic.twitter.com/tOlgnAgLpE

— Flash (@Flash43191300) July 8, 2022

Blinken dhe Lavrov u bashkuan me kolegët për bisedime njëditore në takimin e tyre të parë që nga shpërthimi i luftës, me mikpritësin që u tha menjëherë se konflikti duhet të përfundojë përmes negociatave.

Por, diplomati rus  u largua nga takimi i mëngjesit ndërsa homologia gjermane, Annalena Baerbock kritikoi Moskën për pushtimin e saj, thanë diplomatët.

Sekretari amerikan shmangu një takim me Lavrovin dhe në vend të kësaj akuzoi Rusinë për shkaktimin e një krize globale ushqimore, duke kërkuar nga Moska të lejojë dërgesat e grurit nga Ukraina e goditur nga lufta. /Telegrafi/