Shumë njerëz mendojnë se të hash ushqim ndërkohë që qëndroni në këmbë, nuk është diçka për t’u shqetësuar.
Në fund të fundit, shumëkush e sheh si një mënyrë për të qenë më aktivë dhe për të bërë edhe më tepër hapa.
Por, a ndikon kjo mënyrë të ngrëni në procesin e tretjes së ushqimit? AgroWeb.org tregon të mirat dhe të këqijat e kësaj shprehie:
Përfitimet e të ngrënit në këmbë
Për disa njerëz, qëndrimi në këmbë gjatë ngrënies mund të ndihmojë në lehtësimin e simptomave të refluksit të acidit.
Refluksi i acidit ndodh kur presioni i shtuar në stomak bën që përmbajtja e stomakut të kthehet në ezofag. Kjo shkakton një ndjesi djegieje në mes të gjoksit (urth) ose në fyt, shije të thartë në gojë dhe gromësira.
Rreziku i refluksit acid rritet kur shtriheni direkt pas ngrënies, sepse në këtë pozicion ushqimi dhe acidi mund të rrjedhin lehtësisht nga stomaku në fyt.
Në të kundërt, pozicioni në këmbë ushtron më pak presion në stomak. Kjo do të thotë se është më pak e zakonshme që të ndodhë refluksi.
Pse mund të jetë e dëmshme
Mund të shkaktojë gazra dhe fryrje
Në aspektin fiziologjik, nëse dikush qëndron në këmbë ndërsa ha, gjaku grumbullohet tek këmbët e tyre dhe kjo zvogëlon rrjedhjen adekuate të gjakut në zorrë, aty ku është i nevojshëm për tretjen.
Kjo do të shkaktojë tretje të dobët të karbohidrateve, gjë që mund të çojë në gazra dhe fryrje.
Për më tepër, njerëzit që hanë në këmbë zakonisht priren të hanë shpejt. Dhe kjo rrit shanset për të gëlltitur më shumë ajër dhe të shkaktojë gaz shtesë në bark.
Mund të çojë në mbingrënie
Siç e dimë, njerëzit që hanë në këmbë zakonisht priren të përtypen më shpejt dhe ky ritëm i shpejtë mund të nxisë mbingrënien për disa arsye.
Së pari, qëndrimi në këmbë gjatë ngrënies zakonisht pasohet nga lëvizje, gjë që promovon një tretje më të shpejtë dhe si rrjedhojë mund t’ju marrë uria edhe më shpejt.
Së dyti, kur hani shpejt dhe në këmbë, jeni më i prirë të shpërqendroheni. Dhe kur nuk jeni të përqendruar gjatë ngrënies ose nuk shijoni çdo kafshatë, ka gjasa që të mos ndiheni të ngopur.
Nga ana tjetër, sa më gjatë të përtypeni, aq më pak ka gjasa që të hani më tepër ushqim.
Pra, sa e keqe është në të vërtetë të hani në këmbë
Në fund të fundit, është zgjedhja juaj të uleni apo të qëndroni në këmbë.
Megjithatë ajo çfarë është më e rëndësishme është të jeni “të vëmendshëm” gjatë ngrënies dhe të jeni në harmoni me atë që trupi juaj ka nevojë.
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak