Maqedoni: Bie dukshëm numri i punëtorëve në industrinë e prodhimit

Maqedonia po përballet me mungesë të punëtorëve nëpër disa fusha të ndryshme veprimtarie.

Sektori i industrisë së prodhimit dhe guroreve duke se mbeten sektorët më të padëshiruar për punë.

Në periudhën janar – maj të këtij viti, krahasuar me pesë muajt e parë të vitit të kaluar, numri i punëtorëve është më i ulët për dy përqind.

Numri i punëtorëve në sektorin e minierave dhe guroreve në maj 2022, krahasuar me majin 2021, shënoi një rënie prej 2.5 përqind, në sektorin e industrisë përpunuese një rënie prej 1.7 përqind si dhe në sektorin e furnizimit me energji elektrike, gaz, avull dhe ajër të kondicionuar një rënie prej 1.2 përqind.

Sipas ESHS-së, tek grupet kryesore industriale, numri i punëtorëve në industri në maj të vitit 2022, krahasuar me majin 2021, ka një rënie te Energjia me 5,1 % dhe Mallrat e konsumit jo të qëndrueshme me 5,5 %, ndërsa rritje ka tek produktet e ndërmjetme, përveç energjisë me 1,0 %, produkteve kapitale me 2,0 % dhe mallrave të qëndrueshme konsumatore me 2,4 %.