Marrëveshja për Energjinë, Kelmendi: Iniciativa bën ndarjen territoriale elekektro-energjetike të Kosovës
Ish-deputeti i Kosovës, Ramiz Kelmendi ka reaguar lidhur me Marrëveshjen për Energjinë të arritur në Bruksel ndërmjet Kosovës dhe Serbisë.
Kelmendi me anë të një shkrimi në Facebook, thekson se kjo iniciativë bën ndarjen territoriale elekektro-energjetike të vendit.
“Iniciativa e kamotshme për ndërtimin e vijës territoriale elektro-energjetike arriti në fund! Kjo iniciativë ka filluar gjatë kohës sa kam qenë deputet në Kuvendin e Republikës së Kosovës dhe atëherë e kam kundërshtuar me këmbëngulje. Njëjtë mendoj edhe tani, sepse si e tillë, bënë, plotësisht ndarje territoriale elekektro-energjetike. Ndërmarrja Elektrosever është kompani private e regjistruar në Republikën e Kosovës dhe kryen funksionin e blerjes, distribuimit dhe inkasimit të energjisë së shpenzuar (si kompania KEDS)”, shkruan Kelmendi.
Sipas tij, qytetarët serb dhe ata që jetojnë në veri të Kosovës do të kenë çmim më të lirë të rrymës.
“Çmimin e shitjes e përcakton vet shitësi dhe distributori, por jo më lartë se çmimi i aprovuar nga ZRRE-ja. Qytetarët serb dhe ata që jetojnë në veri do të kenë çmim më të lirë, energji elektrike më stabile dhe më voluminoze (sepse blerja e energjisë elektrike që po bëhet në vazhdimësi për Kosovën do të ketë dy lloj çmimesh. Çmimi i Kontraktuar do jetë më i lartë për shqiptarët, për aq vlerë sa serbët e veriut dhe serbët e jugut të kompensohen me tarifa të lira në veri drejtpërdrejt, ndërsa në jug me subvencionime me pretekstin e qëndrueshmërisë jetike në Kosovë)”, thekson ai.
Afaristi Kelmendi thotë se Elektrosever do të punoj politikisht që të shantazhojë qytetarët shqiptarë.
“Elektrosever do ç’kapë nga rrjeti të gjithë konsumatorët që do jenë në anën e Mitrovicës Jugore. Elektrosever do punojë e veproj politikisht që të shantazhojë qytetarët shqiptarë duke mos rinovuar shpërndarjen, duke mos sanuar dëmet që ndodhin nga qëllimi apo dëmtimi kohor i distribuimit dhe dëmet nga fatkeqësitë natyrore. Të vetmen ndërlidhje do e kemi nga bartja ndërkombëtare e energjisë elektrike nga KOSTT-i”, pohon Kelmendi.
“Mendimi dhe qëndrimi im politiko-profesional rreth kësaj marrëveshjeje bazohet në eksperiencën ndër vite, si menaxher i kompanisë Shoqërore për Ndërtim të Largpërçuesve Elektrik, shpërndarjes elektroenergjetike dhe ndërtues i trafostacioneve të ndryshme”, thekson ai.
Ai shton se Kosovës i duhen dy dhe më shumë shitës të energjisë elektrike.
“Andaj në parim, Kosovës i duhen dy dhe më shumë shitës të energjisë elektrike, në mënyrë që industritë e mëdha të cilat shpenzojnë energji elektrike të kenë mundësi të blerjes me konkurrencë, ndërsa qytetarët të kenë çmim unik të energjisë elektrike dhe shpërndarja e kyçja të jenë nga një operator”, shton ai.
Në fund, Kelmendi tregon se, serbët vijojnë me kërkesa të shumta që do tentojnë të pavarësohen në atë pjesë.
“Edhe atëherë kam kundërshtuar, e kundërshtojë edhe tani këtë hap përfundimtar të autonomisë dhe pavarësisë elektroenergjetike të pjesës veriore të Republikës së Kosovës. Pra, kemi pavarësi të gjyqësorit e nga tani kemi edhe pavarësi elektroenergjetike. Pavarësi të infrastrukturës së ndërtimit të vendbanimeve në atë pjesë kemi qëmoti, dhe druaj se kjo do shkojë deri te autonomia”, tregon ai.
“Qytetarë të nderuar, serbët vijojnë me kërkesa të shumta që do tentojnë të pavarësohen në atë pjesë. së pari pak me një qeveri, më pas edhe pak, e pak nga pak deri në cakun final. Andaj, le të kthjellemi sa nuk është bërë tepër vonë, të kalojmë dhe ta bindim bashkësinë ndërkombëtare që shkëmbimi i territoreve do jete ruajtja më e mirë e territorit tonë dhe territorit kombëtar”, përfundon Kelmendi. /Telegrafi/
Promo
Reklamo këtuLufta Prigozhin - Putin
Më shumëVazhdon super oferta për Peugeot 2008 nga Mercom Company
A jeni gati për mbrëmjen e Maturës?
Viva Fresh Store renditet si grupi i pestë më i madh i shitjeve me pakicë në Ballkanin Perëndimor!
Kurrë s’e ke pas ma lehtë se me Telegrafi Jobs me gjetë punë!
Fito iPhone 15 duke shikuar Prishtina Open 2024
Scardian Sigurime shpallet fituese e çmimit “Best Insurance Company in Kosovo 2023” nga FMI
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'