Gjatë ditës së hënë, Prishtina mirëpriti kryeministrin e Shqipërisë, Edi Rama dhe ministrat e tij.
Kabineti qeverisës i Republikës së Shqipërisë kishte ardhur në Kosovë për të marrë pjesë në mbledhjen e tetë të përbashkët me Qeverinë e Kosovës.
Këtë mbledhje mes dy qeverive shqiptare, qytetarët e Kosovës e mirëpritën duke e konsideruar veprim të qëlluar dhe kombëtar.
Qytetari Sefer Lenjani, u shpreh i lumtur për këtë mbledhje, ai ishte optimist për zbatimin e marrëveshjeve të nënshkruara.
“Gjatë ditës së djeshme ka qenë një kënaqësi e madhe dhe një akt historik në mes dy shteteve, mes dy qeverive dhe mes dy kryeministrave gjatë ditës së djeshme ka qenë një kënaqësi e madhe. Këtë e ka pritur populli shqiptar kudo që gjindet, bashkimin e dy qeverive. Për t’i lehtësuar të hyrat prej Kosovës në Shqipëri dhe anasjelltas. Mirëpo nuk e di sa do t’i zbatojnë në përpikmëri dy qeveritë këto marrëveshje. Aty është esenca”, tha Lenjani.
I kënaqur që i sheh dy qeveritë të bashkuara dhe duke shkëmbyer ide, u shpreh edhe Hasim Mjekiqi. Hapja e kufirit ishte më e rëndësishmja për të, gjatë kësaj mbledhje.
“Është një kënaqësi shumë e madhe si për Kosovën si për Shqipërinë, të bashkohen dhe të këmbejnë ide të njëjta. Me ligje me të gjitha e para. E dyta hapja e kufirit ajo është pasuria më e madhe e popullit si në Kosovë si në Shqipëri. E treta bashkëpunimi shumë i mirë mes shteteve sepse sikur pesë gishtat e dorës dhe janë të ndara në degë mirëpo trungun e kanë në Shqipëri”, u shpreh Mjekiqi.
Kurse Sulejman Krasniqi mendon që ky takim ishte i domosdoshëm dhe se takime të tilla, Qeveria e Kosovës dhe Shqipërisë duhet të kenë më shpesh.
“Dy Qeveritë shqiptare është e domosdoshme të takohen më shpesh. Unë mendoj që është shumë mirë që u mbajt mbledhja dje dhe se do të ecim përpara. Caktimi i Kuvendit të Përbashkët në Ditën e Flamurit, po më duket shumë i qëlluar”, tha ai.
Kurse për regjisorin Sokol Plakolli, këso mbledhje do të duheshin të bëheshin për të diskutuar për ekonominë e vendeve.
“Ato mbledhje të qeverive më mirë do të ishte t’i bënin për ekonomi dhe në parandalimin e ikjes së të rinjëve. E ato rrugë që po i ndërtojnë kanë me mbet të shkretuara pa njerëz. Ato marrëveshje janë të nënshkruara edhe më herët mirëpo të njëjtat nuk kanë zbatim. Vetëm po dalin dhe po fotografohen, të njëjtit më herët janë përleshur mes veti, tash jo jemi miq dhe vëllezër”, u shpreh Plakolli.
Në këtë takim janë nënshkruar gjithsej 19 marrëveshje, prej të cilave gjysma kanë karakter ekonomik, shkruan Telegrafi.
Ndërtimi i hekurudhës Prishtinë-Durrës, i Portit Porto-Romano dhe atij të Thatë në Prishtinë, lëvizja e lirë e punëtorëve dhe nisma për bashkimin doganor janë disa nga marrëveshjet e nënshkruara në mbledhjen e tetë të Qeverisë së Kosovës dhe Shqipërisë. /Telegrafi/
Lufta Prigozhin - Putin
Më shumëNumërohen më shumë se gjysma e votave, këto janë rezultatet nga zgjedhjet kuvendare
"Lidhjet me Serbinë" dhe informata nga Qeveria e Kosovës, çka deshi të thotë Escobar pas pretendimeve se është i implikuar?
Zona Zgjedhor nr 6: Këto janë rezultatet e fundit nga 77% e votave të numëruara
Kështu do të ndaheshin deputetët e Njësisë Zgjedhore 6 me 81% të vendvotimeve të numëruara
Taravari: Ndryshimi u kry, sapo u firmos liria e këtij vendi
Koalicioni VLEN feston në qytetin e Tetovës dhe Gostivarit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?