Ministrja e Punëve të Jashtme dhe Diasporës, Donika Gërvalla, në një konferencë për media pas takimit me homologun e saj nga Turqia, Mevlut Çavusoglu, bëri të ditur se Kosova dhe Turqia kanë nënshkruar sot marrëveshje për rritjen e frekuencave të fluturimeve.
“Është shumë për t’u përshëndetur marrëveshja e nënshkruar sot nga ministrat lidhur me rritjen e frekuencës së fluturimeve mes Kosovës dhe Turqisë”, tha ajo.
Marrëveshja u nënshkrua nga ministri i Infrastrukturës, Liburn Aliu dhe ministri i Jashtëm turk, Mevlut Çavusoglu.
Gërvalla, vlerësoi se për të është kënaqësi që dikush si ministri Çavusoglu, e viziton Kosovën pasi ai e njeh shumë mirë historinë e Kosovës dhe gjenocidin e përjetuar.
“Si gjithnjë është kënaqësi të presësh një homolog dhe një mik të mirë të Kosovës, që e njeh mirë historinë e shtypjes dhe gjenocidit në Kosovë dhe që i cili në të gjitha lëvizjet e tij në rajon nuk e harron përvojën jo vetëm historike por edhe shumë të freskët të gjenocidit në rajon”, deklaroi ajo.
Gërvalla ka thënë se Kosova e ka të qartë përcaktimin e saj për integrim në të gjitha strukturat euroatlantike.
“Pozita e Kosovës në këtë çështje është e qartë, Rusinë e Serbinë e shohim jo vetëm si faktor agresiv, por edhe destabilizues për gjithë rajonin”, ka thënë ajo.
Gërvalla ka thënë se shpreson që përpjekjet për ndërmjetësim të Bashkimit Evropian, NATO-s e Turqisë, të kontribuojnë që Serbisë dhe separatistëve serbë në Bosnjë-Hercegovinë, t’u pamundësohet që nën hijen e agresionit rus në Ukrainë dhe me ndihmën e Rusisë të destabilizojnë Ballkanin Perëndimor e Evropën Juglindore.
Ministrja gjithashtu, njoftoi se me homologun e saj turk biseduan edhe për bashkëpunimin në fushën e shëndetësisë, trajtimin e stafit mjekësorë në Turqi dhe trajtimin e pacientëve nga Kosova, duke mos lënë anash edhe bashkëpunimin në fushën e arsimit.
“Me ministrin Çavusoglu biseduam edhe rreth angazhimit të Turqisë në fushën e arsimit dhe dëshirojmë ta zgjerojmë këtë bashkëpunim. Po ashtu i shpreha mirënjohjen Qeverisë së Turqisë për ndihmën në fushën e shëndetësisë, për dhënien e trajtimit pa pagesë për pacientët nga Kosova dhe për mundësitë e trajnimit të ofruara për punonjësit e kujdesit shëndetësorë”, theksoi ajo.
Ajo në fund e ftoi ministrin Çavusoglu, edhe për investime në Kosovë./Telegrafi/
Promo
Reklamo këtuLufta Prigozhin - Putin
Më shumëNga qershori Aeroportit të Prishtinës i shtohet edhe një linjë e re fluturimi
Një epokë e re e transformimit digjital: IPKO prezanton pakot PRIMA dhe aplikacionin IPKO TV
Respekti dhe vlerësimi i punëtorëve refletojnë në suksesin e Emona Center
Relaksim në përjetësi, me “Holiday In 2” t’gjitha i ki
Fito udhëtim në çift me IP Petrol!
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe