Mitreski: Deputetët e OBRM-PDUKM-së me qëllim bëjnë skandale që të shkaktojnë incidente

Deputeti nga radhët e OBRM-PDUKM-së, Mile Lefkov, dje në rrjetet sociale ka postuar një video në të cilën shihet zënka mes deputetëve të OBRM-PDUKM-së dhe kryetarit të Kuvendit Talat Xhaferi. Deputetët e opozitës akuzuan se u mbyllën me dhunë në Parlament.

Koordinatori i Grupit Parlamentar të LSDM-së, Jovan Mitreski për “Lokalno” thotë se deputetët e OBRM-PDUKM-së me qëllim bëjnë skandale me qëllim që të shkaktojnë incident.

“Synimi i deputetëve të opozitës është që çdo pikë e rendit të ditës të aplikojë për një fjalim për të zvarritur. Por ditën e djeshme u ra dukshëm energjia, shumë prej tyre nuk ishin të pranishëm në sallë kur u hap pika dhe dukshëm të nervozuar për situatën nisën të denonconin për një fjalim deputetë që nuk ishin të pranishëm në këtë moment. Prandaj, për shkak të numërimit dhe leximit të aplikantëve, si çdo herë më parë, edhe në situata të tilla mbyllen dyert në mënyrë që të mos ketë hyrje e dalje në sallë. Në punën e Kuvendit ka pasur me qindra situata të tilla, por opozita nervoze po bën skandal nga çdo gjë me qëllim që të shkaktojë incident”, thotë Mitreski.

Grupi parlamentar i OBRM-PDUKM-së njoftoi sot se do të dorëzojë interpelancë për kryeparlamentarin Talat Xhaferi pas dramës së mbrëmshme në Kuvend, kur kryeparlamentari pas fjalimit mbylli ulëset në sallën e Kuvendit./Telegrafi/