Taylor Swift merr doktoratë nderi nga Universiteti i New Yorkut

Taylor Swift ka marrë një doktoratë nderi të arteve të bukura nga Universiteti i New Yorkut të mbajtur në stadiumin Yankee.

Duke iu drejtuar klasave të viteve 2020, 2021 dhe 2021 në diplomimin e Universitetit të New Yorkut të martën, Swift tha se donte t’u thoshte të diplomuarve disa gjëra rreth jetës, dashurisë dhe punës.

“E para prej të cilave është…jeta mund të jetë e rëndë, veçanërisht nëse përpiqeni ti mbani të gjitha në një. Një pjesë e rritjes dhe kalimit në kapituj të rinj të jetës suaj ka të bëjë me kapjen dhe lirimin”, tha ajo.

Ajo që dua të them me këtë është, të dish se çfarë gjërash të mbash dhe çfarë gjërash të lëshosh.

“Ju nuk mund të mbani të gjitha gjërat, të gjitha inatet, të gjitha të rejat për ish-in tuaj”.

“Vendos se çfarë është e jotja për të mbajtur dhe lëre të tjerat të shkojnë. Shpesh gjërat e mira në jetën tuaj janë gjithsesi më të lehta, kështu që ka më shumë vend për to. Një marrëdhënie toksike mund të tejkalojë kaq shumë gëzime të mrekullueshme e të thjeshta. Ju duhet të zgjidhni atë për të cilën jeta juaj ka kohë dhe hapësirë”.

Ajo vazhdoi: “Së dyti, mësoni të jetoni së bashku me krisjet, problemet”.

Swift ofroi gjithashtu këshilla për marrëdhëniet, duke lënë të kuptohet se romancat e saj nuk kanë qenë edhe aq të mira.

Biondja ofroi gjithashtu një pasqyrë të dështimeve që kishte pësuar, duke përfshirë pjesën kur ishte lënë jashtë nga miqtë në shkollë dhe po ashtu me disa fjalë iu drejtua edhe producentëve në industrinë muzikore që i thanë se ishte shumë e re për për të shkruar e kënduar.

Por ajo tha se ishin ato zhgënjime që e ndihmuan të shkruante më shumë dhe që e kthyen në një mega yll.

Taylor falënderoi prindërit dhe vëllanë e saj, Austin, për mbështetjen e ëndrrave të saj dhe u kërkoi të gjithë të diplomuarve të tjerë që të tregonin mirënjohje ndaj kujtdo që i kishte ndihmuar në rrugën e tyre.

Ylli i muzikës pop nuk ndoqi ndonjë kolegj, përkundrazi u fut direkt në biznesin e muzikës në moshën 17-vjeçare pasi mbaroi shkollën e mesme.

Ceremonia e së mërkurës ishte një ceremoni super e madhe që nderoi maturantët e 2020, 2021 dhe 2022. Të diplomuarve të viteve të mëparshme u ndërprenë ceremonitë e tyre për shkak të situatës me COVID-19. /Telegrafi/