Juventus dhe Lazion barazojnë në Allianz Stadium

Juventusi nuk ka arritur të marrë pikët e plota në ndeshjen e fundit për këtë edicion në Allianz Stadium, pasi ka barazuar me Lazion 2-2.

Vetëm pas 10 minutave lojë erdhi edhe goli i parë në këtë takim. Ishte sulmuesi serb Dusan Vlahovic që shfrytëzoi një asistim nga Alvaro Morata për të kaluar Juventusin në epërsi 1-0.

Tetë minuta më vonë, të gjithë të pranishmit në Allianz Stadium u ngritën në këmbë për ta përshëndetur kapitenin Giorgio Chiellini i cili luajti ndeshjen e fundit me Juventusin dhe karrierën pritet ta vazhdoj në SHBA.

Në minutën e 36-të vendasit arritën të dyfishonin epërsinë, kur Alvaro Morata realizoi për 2-0 pas asistimit nga Juan Cuadrado.

Me epërsinë e dy golave të vendasve përfunduan 45 minutat e para të kësaj sfide.

🔥x💎#JuveLazio #FinoAllaFine #ForzaJuve pic.twitter.com/w0hKajFIIt

— JuventusFC 🇬🇧🇺🇸 (@juventusfcen) May 16, 2022

Me të filluar pjesa e dytë Lazio ngushtoi epërsinë në 2-1, kur Alex Sandro realizoi autogol.

Krejt në fund të ndeshjes, Lazio barazoi rezultatin në 2-2 me mesfushorin Milenkovic-Savic.

Pas kësaj pike të fituar  Juve vazhdon të mbajë pozitën e katërt në tabelë me 70 pikë, derisa Lazio mbetet një vend më poshtë me shtatë pikë më pak.

Xhiron e ardhshme Juventusi do ta luaj në udhëtim te Fiorentina, derisa Lazio pret Hellas Veronën në Olimpico. /Telegrafi/