“Kosova dhe Serbia janë vende sovrane që kanë të drejtë të përcaktojnë prioritetet e tyre të politikës së jashtme”, tha një zëdhënës i Departamentit të Shtetit Amerikan në një përgjigje me shkrim për Zërin e Amerikës (në gjuhën serbe), duke iu referuar deklaratës së presidentit serb, Aleksandar Vuçiq se Kosova ka shkelur Marrëveshjen e Uashingtonit me rastin e aplikimit për anëtarësim në Këshillin e Evropës.
Me marrëveshjen e nënshkruar në shtator të vitit 2020, Serbia dhe Kosova u angazhuan për bashkëpunim ekonomik, por edhe bashkëpunim me Shtetet e Bashkuara.
Pjesë e marrëveshjes ishte moratoriumi njëvjeçar, ku Kosovës i kërkohej që të mos aplikonte për anëtarësim në organizatat ndërkombëtare dhe Serbisë që të përmbahej nga një fushatë diplomatike për të tërhequr njohjet e pavarësisë së Kosovës. Moratoriumi skadoi më 4 shtator të vitit 2021, transmeton Telegrafi.
“Moratoriumi ishte krijuar për të zgjeruar hapësirën për bisedime dhe kompromis mes Kosovës dhe Serbisë, që ne besojmë se është në interesin strategjik të të dyja vendeve”, njoftoi Departamenti i Shtetit.
“Ne vazhdojmë të besojmë se dialogu për normalizimin e marrëdhënieve, nën kujdesin e Bashkimit Evropian, është vendimtar për të dyja vendet që të zhbllokojnë të ardhmen e tyre evropiane. Ne u bëjmë thirrje atyre për pjesëmarrje urgjente, fleksibile dhe serioze në këtë proces”, thuhet më tutje.
Shtatorin e kaluar, në prag të përvjetorit të Marrëveshjes së Uashingtonit, Departamenti i Shtetit inkurajoi drejtpërdrejt Kosovën dhe Serbinë që të vazhdojnë moratoriumin rreth çështjeve që mund ta ndërlikojnë përparimin në fushat teknike.
Pasi ministrja e Jashtme e Kosovës, Donika Gërvalla paraqiti kërkesën zyrtare për anëtarësimin e Kosovës në Këshillin e Evropës, Vuçiq u tha gazetarëve në Beograd të enjten se Prishtina kishte “shkelur brutalisht” marrëveshjen e Uashingtonit.
“Pas gati dhjetë vitesh të nëpërkëmbjes së marrëveshjes së Brukselit, tash e kanë shkelur marrëveshjen e Uashingtonit, ndërsa as ata dhe as mentorët e tyre nuk e kanë respektuar ndonjëherë Rezolutën 1244”, ka theksuar presidenti i Serbisë.
Kujtojmë se Marrëveshja e Uashingtonit është nënshkruar pas dy ditësh bisedime ndërmjet përfaqësuesve më të lartë të delegacioneve të Kosovës dhe Serbisë në kryeqytetin amerikan më 3 dhe 4 shtator të vitit 2020, gjatë administrimit të presidentit, Donald Trump. Marrëveshja u ndërmjetësua nga i dërguari i Trumpit për dialogun ndërmjet Serbisë dhe Kosovës, Richard Grenell, i cili u ndal në bashkëpunimin ekonomik mes dyja palëve, i bindur se përmirësimi i situatës ekonomike dhe standardit të jetesës do të lehtësojë zgjidhjet politike.
Administrata e Bidenit ka pranuar obligimet nga marrëveshja e Uashingtonit, të cilën e ka konfirmuar disa herë vitin e kaluar edhe ambasadori amerikan në Kosovë, Philip Kosnet.
Gjatë vizitës së saj të fundit në rajon, Ndihmës Sekretarja e Shtetit për Evropë dhe Euroazi, Karen Donfried, ka biseduar me presidentin Vuçiq, ndër të tjera, edhe për dialogun ndërmjet Kosovës dhe Serbisë. Siç u njoftua, ata ranë dakord që çështjet e hapura në dialog mund të zgjidhen nën patronazhin e BE-së për të arritur deri tek një zgjidhje. /Telegrafi/
Promo
Reklamo këtuLufta Prigozhin - Putin
Më shumëMbi 1 milion qytetarë të regjistruar deri më tani në Kosovë
Tragjedia në Shkodër, prokuroria zbulon mesazhet ofenduese dhe tradhtinë në celularin e bashkëshortit të Alma Arrazit
Gjendet trupi i fëmijës së tretë të mbytur në Lumin Bunë, vazhdojnë kërkimet për Alma Arrazin
Shtatë xhaketa të ushtrisë, fishekë e radio lidhje – Policia njofton se çfarë u gjet në shtëpinë e të dyshuarit që sulmoi Policinë dhe KFOR-in
Çfarë pyetje u bëhen qytetarëve në diasporë për regjistrim?
“Para se të hidhej e pa Erdgysin me 18-vjeçaren": Zbardhet dëshmia e motrës së Almës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'