Të punosh sot në Kosovë, ndonëse në kushte çnjerëzore, është privilegji racor, pasi në vendin tonë të jesh grua, person LGBTI+, i ndonjë race tjetër apo me nevoja të veçanta, je i papërshtatshëm edhe për t’u konsideruar si punëtore.
Kështu u tha në protestën nën thirrjen “Liri, Barazi, Solidaritet”,, të organizuar nga blloku anti-kapitalist i Kolektivit për Mendim dhe Veprim Feminist, me rastin e 1 Majit, Ditës Ndërkombëtare të Punëtorëve.
“Poshtë oligarkët ekonomikë”, “Puna e paguar e grave mbanë shtetin”, “Puna në Kosovë dëmton seriozisht shëndetin”, ishin disa prej pankartave që mbanin në duar protestuesit. Protesta nisi nga sheshi “Zahir Pajaziti”, për të vazhduar te Ministria e Punës dhe Mirëqenies Sociale, e deri te Qeveria e Kosovës.
Njëra nga anëtaret e Kolektivit për Mendim dhe Veprim Feminist, ka thënë se protesta është qëndrim politik sepse punëtorët janë ata që e mbajnë gjallë Kosovën.
Ajo është shprehur se që dy dekada punëtorët rëndohen nga shtypja e korporatave dhe asgjësimi institucional.
“Që nga punëtoret gra që i kryejnë të gjitha punët e riprodhimit shoqëror që kanë mbete padrejtësisht në duar të tyre të papaguara, e deri tek puna që bëhet në fabrika, miniera, markete, qendra tregtare, call centers e shkolla, mbahet gjithë struktura ekonomiko-politike e jona. Megjithatë, të mirat që prodhohen nga ato/ata, me bollëk i shijon veç 1 për qindëshi i shoqërisë, kapitalistët të cilët rritën çdo ditë më shumë duke ua rrjepur punën atyre…Ky sistem kapitalist i qeverisur nga një mendësi neoliberale, e cila copëzon e sendëzon njeriun, është duke degraduar çdoherë e më shumë punëtorinë. Përveç plaçkitjes së vazhdueshme të punës, ky sistem është e vetmuar çdoherë e më shumë punëtorinë, duke e lenë pa shpresë në mjerimin e shkaktuar nga vetë sistemi. …Të jesh grua, person LGBTI+, i ndonjë race tjetër, me nevoja të veçanta, je i papërshtatshëm edhe për t’u konsideruar si punëtore, kjo pasi ky sistem në të cilin ne gjendemi e që është sistemi patriarkale-kapitalist, është sistem i dhunës, i përçarjes, disiplinimit e shtypjes së shumicës në favor të pakicës. Ky sistem nuk mund të sanohet me asnjë ndërhyrje neoliberale, dominonte në politikat e pas-luftës në Kosovë, të cilat veç synojnë t‘a blejnë fare lirë heshtjen e punëtorëve” tha ajo.
Një tjetër protestues i kësaj organizatë, ka thënë që sistemi ekonomik e politik në Kosovë është racist e diskriminues. Ai ka shtuar që shtypja klasore e racore, janë produkte të një sistemi kapitalist dhe që shumë punëtorë po ngacmohen dhe po vriten në vendet e punës.
“Të punosh sot në Kosovë, ndonëse në kushte ç ‘njerëzore, është privilegji racor. Ne jemi në një ekonomi neo-liberale e cila është e organizuar në mënyrë thellësisht të padrejtë për komunitetet e identitete të caktuara. Të jesh romë, egjiptian apo ashkali në Kosovë, me automatizëm t’i privohesh nga e drejta për të punuar ose edhe kur punësohesh, akomodohesh në punët më denigruese e më keq të paguara. Kjo pasi që ky sistem ekonomik e politik në të cilin ne jetojmë është thellësisht racist, diskriminues e poshtërues. Kapitalizmi, të cilin ne sot po e denoncojmë, shumicën prej nesh na lë të keq ushqyer, të rraskapitur nga puna, të vjedhur, të thyer e të vetmuar. Punëtorja e punëtori sot punojnë me orare të zgjatura, shtypen sistematikisht, ngacmohen e here edhe vriten në vend të punës”, tha protestuesi.
Protestës iu bashkua edhe 15-vjeçarja Esra Syla, e cila edhe pse nuk kishte lindur në Kosovë, akuzoi ish drejtuesit e institucioneve për degradimin e shtetit të Kosovës.
Ajo është shprehu se edhe pse mosha e saj nuk është ende për të protestuar, protesta të tilla është dashur të bëhet shumë më herët.
“Vlerësojë të gjithë juve këtu sot, vlerësojë edhe punën e palodhshme të punëtorëve, por kjo protestë është e duhur të organizohet shumë kohë më parë. Nuk duhet ta gjykojmë kryeministrin tonë, Albin Kurti për mos punën e tij, pse, sepse fajin e kanë ata që kanë qenë përpara në shtet si Hashim Thaçi e Isa Mustafa, faji iu takon atyre dhe jo neve, ata e vendosen shtetin deri në këtë pikë, ata e shteruan shtetin”, tha ajo.
Protestuesit shtuan se do të vazhdojnë të protestojnë deri në projektimin e një organizimi politik e ekonomik, ku punëtorët janë të lirë nga çdo forme e shtypjes. /kp/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
Ambasadori i Finlandës: Anëtarësimi i Kosovës në NATO do të bëhet realitet
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
'Çmontohet' rrjeti i drogës në Spanjë, 14 të arrestuar përfshirë edhe shqiptarë që transportonin tonelata me kanabis në Evropë
“Paratë, ose do të vras djalin”, polici kërcënon qytetarin se nuk i dha ryshfet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe