Rusët pretendonin se kishin rrëzuar dronin ukrainas, madje publikuan fotografi – u zbulua se bëhej fjalë për një gënjeshtër

Mbrëmë forcat ruse tentuan edhe një herë që përmes gënjeshtrave, të krijojnë përshtypjen në opinion se janë duke avancuar në luftën në Ukrainë.

Një shembull i tillë është se ata publikuan disa fotografi me të cilën pretendonin të tentonin të bindin masën se kanë rrëzuar dronin ukrainas TB-2 në rajonin e Khersonit – që ishte një gënjeshtër e radhës, transmeton Telegrafi.

Madje menjëherë u konstatua se rusët kishin publikuar fotografitë e copëzave të dronit të vjetër, që ishte rrëzuar shumë kohë më parë.

Lexo po ashtu Ukraina planifikon sot nisjen e një operacioni, për nxjerrjen e civilëve nga fabrika e çelikut në Mariupol

Analistët e pavarur kanë konfirmuar se rusët deri më tani kanë rrëzuar të paktën gjashtë dron të tipit TB-2 që fluturojnë ngadalë.

E të enjten tentuan ta shtojnë edhe një në listën e tyre – duke provuar përmes një fotomontazhe të manipulojnë me opinionin.

Ishin analistët e ashtuquajtur “shërbimi informativ për kode të hapura” që shpejtë zbuluan “rrengun” e tyre – me të cilin tentuan të thonë se kanë rrëzuar një fluturake ukrainase.

This is also the case with a MAM-L munition which was "found near the shot down drone"- exactly the same unit was already shown on March 29th with completely identical scratches. pic.twitter.com/5q5v9LCg9K

— 🇺🇦 Ukraine Weapons Tracker (@UAWeapons) April 28, 2022

Lexo po ashtu Rrëfimi i padëgjuar i presidentit ukrainas, Zelensky thotë se ishte afër kapjes kur parashutistët rusë ranë në Kiev

Gjithçka filloi kur u publikua në rrjetet sociale fotografia që tregon një TB-2 të thyer të marinës ukrainase, me numër serik në bisht T187 që qëndron në baltë në rajonin Kherson – një prej pikave më të nxehta ku po zhvillohen luftimet.

#Ukraine: Today Russian sources claimed the shootdown of one more Ukrainian Bayraktar TB2 drone in #Kherson Oblast.

We believe it was staged using old wreckage. pic.twitter.com/emMGHUnlqK

— 🇺🇦 Ukraine Weapons Tracker (@UAWeapons) April 28, 2022

Në të dyja fotografitë duket qartë dëmi i njëjtë. Krahu i majtë i thyer. Stabilizatori i shkëputur i bishtit. Madje edhe projektili i paprekur MAMA, por se ishte fotografuar në mars apo në fund të prillit – pasi një fluturake e tillë me të njëjta dëme ishte postuar nga dikush në rrjete sociale.

Ishte edhe numri serik që i “tradhtoi” rusët dhe nuk u treguan të vëmendshëm, kur tentuan ta “shesin” këtë gënjeshtër për diçka kinse të vërtetë. /Telegrafi/