SHBA-ja do të nisë procesin ligjor për të fajësuar Rusinë se po kryen gjenocid në Ukrainë

Shtëpia e Bardhë thotë se do të nisë një proces ligjor për të përcaktuar gjenocidin në Ukrainë.

Administrata e presidentit amerikan, Joe Biden do të ndërmarrë një proces ligjor për të përcaktuar nëse rusët po kryen gjenocid në Ukrainë.

I pari i shtetit amerikan gjatë ditës së djeshme i përshkroi për herë të parë veprimet e Rusisë në Ukrainë si “gjenocid”.

Në një intervistë me CNN-në, nënsekretarja e Shtetit për Çështjet Politike, Victoria Nuland tha se presidenti amerikan “foli nga zemra kur e quajti gjenocid atë që po shohim në Ukrainë”.

Nuland tha se SHBA ka “një proces të mbledhjes së provave me kalimin e kohës” në mënyrë që të bëjë një përcaktim zyrtar nëse është gjenocid.

“Por unë do të parashikoj se ajo që presidenti Biden e quajti është ajo që ne në fund të fundit ka të ngjarë të gjejmë kur të jemi në gjendje të mbledhim të gjitha këto prova”, tha Nuland dhe shtoi “sepse ajo që po ndodh në terren nuk është një aksident. Është një vendim i qëllimshëm i Rusisë nga forcat e saja për të shkatërruar Ukrainën dhe popullsinë e saj civile”.

Ndryshe, duhet të zhvillohet një proces ligjor për të përcaktuar nëse krimet e tilla janë kryer deri në nivelin që të thuhet se është kryer gjenocid. /Telegrafi/