“Nuk më intereson pesha ime” – Selena Gomez i kundërpërgjigjet personave që komentojnë përmasat e saj

Selena Gomez kishte një festë të ushqimit të shpejtë dhe nuk i intereson se çfarë thonë komentuesit për këtë.

29-vjeçarja u shfaq në rrjetet sociale këtë javë me një mesazh të fuqishëm për pamjen e saj, duke deklaruar “Unë jam perfekte ashtu siç jam”.

Ajo gjithashtu tha në TikTok se nuk i intereson pesha e saj sepse pavarësisht se si duket, dikush do të ketë diçka negative për të thënë për të.

“Pra, po përpiqem të qëndroj e dobët, por shkova te Jack in the Box dhe mora katër taco, tre vezës, qepë dhe një sandviç me pulë pikante. Por sinqerisht, nuk më intereson pesha ime, sepse njerëzit gjithsesi do ta komentojnë. ‘Ti je shumë e vogël’, ‘Je shumë e madhe’, ‘Kjo nuk të përshtatet’”, tha aktorja në një video.

Lexo po ashtu Selena Gomez zbulon se ka qëndruar larg internetit për katër vite: Jeta ime ka ndryshuar plotësisht, jam më e lumtur

Bukuroshja brune refuzon të lërë negativitetin tek ajo dhe e mbylli videon me: “Jam perfekte ashtu siç jam. Morali i historisë? Mirupafshim”.

Ashtu si shumica e femrave të famshme, përmasat dhe format e Selenas janë komentuar prej vitesh.

Lexo po ashtu Ky trend në TikTok tregon se si lloje të ndryshme trupash mbajnë të njëjtën peshë dhe është shumë e bukur ta shohësh

Vitin e kaluar ajo zbuloi për Vogue se për shkak të diagnozës së saj Lupus ajo ka luhatje të shumta në peshë.

“Është ilaçi që duhet të marr për pjesën tjetër të jetës sime – kjo varet edhe nga muaji, për të qenë e sinqertë. Pra, për mua, vërtet e vura re kur njerëzit filluan të më sulmonin për këtë. Dhe në realitet, kjo është vetëm e vërteta ime, unë kam luhatje. Varet se çfarë po ndodh në jetën time”, shpjegoi ajo. /Telegrafi/