Nëna e tifozit të Evertonit flet pas incidentit: Ai është autik dhe vuan nga dispraksia, Ronaldo e sulmoi dhe mavijosi kur ia theu telefonin

Një nënë ka folur në lidhje me pretendimet se sulmuesi i Manchester United , Cristiano Ronaldo i ka rënë telefonit të një tifozi në tokë në Goodison Park.

Sarah Kelly ka thënë se ajo mori djalin e saj 14-vjeçar, Jake, në ndeshjen e tij të parë me Evertonin të shtunën pasdite.

Por, jo gjithçka shkoi mirë për të dhe sidomos për djalin e saj, i cili ishte cak i një incidenti me Ronaldon, i cili ia theu telefonin.

Lexo po ashtu Humbja e çmendi plotësisht, Ronaldo ia theu telefonin tifozit të mitur të Evertonit

Kelly pretendon se të dy kishin një “ditë absolutisht të shkëlqyer” deri në incidentin pas vërshëllimës së fundit të gjyqtarit.

Në një intervistë për Liverpool Echo, mamaja e Jake, Sarah, ka pohuar se Ronaldo e “sulmoi” dhe “mavijosi” djalin e saj, i cili vuan nga autizmi dhe dispraksia.

“Ronaldo then just walked past, with a terrible, terrible temper and smashed the phone out of my son’s hand and carried on walking”https://t.co/Yrl4H4DEK4

— Jenny Kirkham (@PJ_Kirkham) April 9, 2022

“Pas përfundimit të ndeshjes lojtarët e Man United filluan të largoheshin. Ne ishim në Park End, kështu që ishim pranë tunelit ku ata kaluan duke ecur – djali im ishte aty duke i filmuar të gjithë”, ka thënë fillimisht Kelly.

“Ai filmoi të gjithë lojtarët e Unitedit duke ecur. Dhe më pas ai uli telefonin e tij sepse Ronaldo e kishte hequr çorapen dhe i rridhte gjak nga këmba. Ai uli telefonin për të parë se çfarë ishte – ai as nuk foli”.

Lexo po ashtu Ronaldo i kërkon falje djaloshit që ia theu telefonin, e fton për të parë një ndeshje në Old Trafford

“Ronaldo më pas kaloi pranë, me një temperament të tmerrshëm dhe ia rrezoi me goditje telefonin nga dora djalit tim dhe vazhdoi të ecte”.

“Ju mund të shihni nga mavijosja se ai ka pasur kontakt në goditje. Thjesht nuk mund ta besoj se po flas për këtë”.

“Po qaja, isha i tronditur, Jacob ishte në shok të plotë – ai është autik dhe ka gjithashtu dispraksi, kështu që ai nuk e treti vërtet atë që po ndodhte derisa u kthye në shtëpi”.

“Ai është me të vërtetë i mërzitur për këtë dhe kjo do ta shtyjë atë të mos shkojë përsëri në lojë”.

“Kjo është ndeshja e parë e futbollit në të cilën ai ka qenë dhe kjo ka ndodhur”.

“Ne patëm një ditë absolutisht të shkëlqyer deri në ato sekondat e fundit kur ata dolën nga fusha. Është shkatërruar plotësisht dita dhe na ka lënë një shije të keqe”, përfundoi nëna e djaloshit.

Lexo po ashtu Policia konfirmon se është duke hetuar incidentin kur Ronaldo theu telefonin e tifozit të mitur të Evertonit

Ndryshe, Manchester Unitedi po heton incidentin e Ronaldos me djaloshin, teksa edhe Policia e Merseyside ka konfirmuar se është duke hetuar incidentin.

Gjatë ditës së sotme ose javës së ardhshme mund të kemi diçka më të qartë sa i përket kësaj situate. . /Telegrafi/