Sport Futboll Ndërkombëtare

Inzaghi: Asnjëherë nuk e kam humbur besimin në shanset e Interit për Scudetto

Para 3 vitesh

Simone Inzaghi siguron se ai nuk e ka humbur kurrë besimin te Interi dhe shanset e tyre për Scudetto dhe shpjegon se çfarë shkoi keq gjatë muajve shkur dhe mars.

Nerazzurrët e mbaruan punën në gjysmën e parë të ndeshjes me Ivan Perisic duke asistuar si Nicolo Barella, ashtu edhe për Edin Dzeko në fitoren 2-0 ndaj Veronës.

“E dinim se sa e mirë është Verona, kështu që e përgatitëm këtë lojë me shumë kujdes me qasjen e duhur që në fillim”, ka thënë fillimisht Inzaghi për DAZN.

“Pjesa e parë ishte e shkëlqyer, pjesa e dytë ishte më shumë për të kontrolluar situatën. Ekipi bëri atë që duhej dhe vazhdoi punën e bërë kundër Juventusit”.

Inzaghit iu kërkua të shpjegonte zgjedhjet e tij, pasi Stefan de Vrij u kthye për të dalë i dëmtuar në pjesën e parë, ndërsa Federico Dimarco u zgjodh në treshen e dytë.

“Dimarco ka disa karakteristika shumë specifike dhe kishte bërë shumë mirë kundër Napolit, ndërsa Alessandro Bastoni ishte i lodhur pas një serie ndeshjesh. De Vrij kishte një problem me muskulin, por shpresojmë se nuk është asgjë serioze”.

🖼 | GALLERY

📸 Celebrations after the win!

😍😍🎉🎉#InterVerona 2️⃣-0⃣#FORZAINTER ⚫️🔵 pic.twitter.com/Fmo2r7CPgD

— Inter ⭐⭐ (@Inter_en) April 9, 2022

Kur Robin Gosens hyri në fushë, Perisic kaloi në rolin e sulmuesit mbështetës. A është kjo diçka që mund ta shohim përsëri në të ardhmen?

“Është e mundur. Gosens po përmirësohet, i duhet kohë për të luajtur, por edhe Ivan është në formë të shkëlqyer. Joaquin Correa pati një goditje në gju, ai nuk po vraponte mirë, kështu që unë preferova ta heq”.

🏃‍♂️ | PERISIC

🦵 Have you noticed that #Perisic likes to run? 👀🇭🇷

👇https://t.co/Yz8VZlcDU5

— Inter ⭐⭐ (@Inter_en) April 9, 2022

Interi ishte dukur i rraskapitur gjatë shkurtit dhe marsit, por tani duket se është rigjallëruar.

“Mentaliteti bën një ndryshim të madh në futboll, ne patëm një turne të vërtetë dhe në javët e fundit rezultatet nuk po vinin. Na rëndonte në mendje, nuk mund të luanim siç luanim më parë. Ndodh”.

“Bëmë mirë që mundëm Juventusin dhe e ndoqëm atë me një tjetër paraqitje të fortë kundër një ekipi në formë si Verona”.

🛌 | GOOD NIGHT

👋 Sweet dreams #InterFans and thank you! 🥰 pic.twitter.com/DNmTSAN1oa

— Inter ⭐⭐ (@Inter_en) April 9, 2022

Për momentin, të gjitha skuadrat kryesore kanë luajtur 31 ndeshje, kështu që Milani qëndron në krye me një pikë avantazh ndaj Interit dhe Napolit.

“Kam pasur gjithmonë besim, sepse e di rrugëtimin që po bëjmë dhe rrezikun për të marrë kampionët e Italisë që sapo kishin humbur lojtarë të rëndësishëm”.

“Klubi dhe tifozët ishin gjithmonë pas nesh, ata e kuptuan se këto sakrifica ishin të nevojshme. Ne jemi ende aty, duke bërë shumë mirë dhe do të luftojmë në shtatë ndeshjet e fundit. Është shumë ngushtë kreu i tabelës, jemi të gjithë në të njëjtin nivel”, përfundoi trajneri i Interit. /Telegrafi/