Tifozët e Liverpoolit të acaruar që Anthony Taylor do të ndajë drejtësinë në derbin me Cityn

Tifozët e Liverpoolit janë zemëruar me vendimin Federatës angleze që të caktojnë Anthony Taylorin si gjyqtar për derbin me Manchester Cityn të dielën.

Reds kanë një ndeshje të rëndësishme në Ligën Premier me skuadrën e Pep Guardiolës që mund të vendosë garën për titull në maj.

Megjithatë, tifozët e Liverpoolit kanë mbetur të zemëruar pasi arbitri me bazë në Mançester, Taylor është emëruar si njeriu që do të ndajë drejtësinë.

Lexo po ashtu “Ky njeri ka një agjendë të fortë” – tifozët e Chelseat krijojnë një peticion kundër gjyqtarit Anthony Taylor

Taylor ka lindur në Wythenshawe, që është rrethinë e Manchesterit, por ai ka konfirmuar në shumë raste se mbështet Altrincham. Kjo nuk i ka penguar tifozët e Reds të pretendojnë se ‘nuk mund të jetë më e qartë se çfarë dëshiron PGMOL (organi i gjyqtarëve profesionistë)’ me ndeshjen më të madhe të sezonit.

“Një refer i lindur në Mançester. Nuk e di pse FA pëlqen ta bëjë këtë gjatë gjithë kohës. Pothuajse si ata ushqehen nga polemikat”, u shpreh një tifoz i zemëruar. Ndërsa një i dytë postoi në Twitter: “Kjo mbanë një aromë? Gënjeshtrat e prillit (ishin) javën e kaluar!”.

Një tjetër i mërzitur: “Ndeshja më e madhe e sezonit dhe ata kanë caktuar si gjyqtar Taylorin dhe Tierneyn në VAR. Kjo është mashtruese nuk mund të jetë më e qartë se çfarë kërkon PGMOL”.

“Korrupsioni në kulmin e tij në Ligën Premier. Mund t’i dorëzojë edhe titullin e ligës”, shtoi një i katërti.

Të dyja skuadrat morën tre pikë gjatë fundjavës, por po shkojnë në një periudhë të vështirë që i sheh dy skuadrat të përballen dy herë, një në ligë dhe një në FA Cup. /Telegrafi/