A mund të jetë në plan një takim midis Zelenskyt dhe Putinit?

Ministri i Jashtëm i Ukrainës ka thënë se ai po punon me Turqinë për të krijuar kushtet për një takim midis liderëve ukrainas dhe rus.

Takimi i nivelit më të lartë të konfliktit deri më tani ka qenë midis ministrave të jashtëm të Rusisë dhe Ukrainës, por bisedimet përfundimisht dështuan, shkruan Sky News, përcjell Telegrafi.

Dhe një takim midis Volodymyr Zelensky dhe Vladimir Putin do të ishte një hap i rëndësishëm përpara në negociatat e paqes dhe do të rriste shpresat për një armëpushim.

Megjithatë, të dyja vendet kanë shprehur optimizëm të kujdesshëm mbi negociatat deri më tani.

Sipas BBC, ministri i Jashtëm i Turqisë, Mevlüt Çavuşoğlu, ka thënë se presidenti ukrainas Volodymyr Zelensky dhe lideri rus Vladimir Putin ende mund të takohen nëse kushtet për zgjidhjen e konfliktit janë të arritshme.

Ndërsa duke folur së bashku me Çavuşoğlu në një konferencë të përbashkët shtypi në qytetin perëndimor të Lviv, ministri i Jashtëm ukrainas Dmytro Kuleba theksoi se ata kishin rënë dakord të fokusonin përpjekjet e tyre në krijimin e një takimi midis Putinit dhe Zelenskit.

“Ekziston mundësia që të dy liderët të takohen nëse ekziston një bazë për një marrëveshje për çështjet që ne i shohim si afrim”, ka thënë Çavuşoğlu. “Ne thamë dje se do të ishim të lumtur të presim një takim të tillë”.

“Duhet të përgatiten bazat për një takim në nivel liderësh sa më shpejt që të jetë e mundur. Ne kemi njoftuar tashmë se jemi të gatshëm të veprojmë për këtë”, shtoi ai.

Kuleba i tha Çavuşoğlu se ai shpresonte se Turqia do të ishte “midis vendeve” që mund të shërbente si një garantues i çdo marrëveshje paqeje midis shteteve. /Telegrafi/