Sisteme kundërajrore, raketa anti-tank, dronë special – ky është armatimi prej 800 milionë dollarësh që SHBA-ja sot i dhuroi Ukrainës

Shtetet e Bashkuara të Amerikës ka vendosur që ta ndihmojë me armatim shtetin ukrainas në vlerë prej 800 milionë dollarë.

Paketa e fundit i shtohet asaj të 200 milionë dollarëve të ndara fundjavën e kaluar, e cila në total arrin në një miliard dollarë.

Ndihma e re ushtarake përfshin 800 raketa Stinger për të ndihmuar forcat tokësore të Ukrainës që të përballen me helikopterët dhe aeroplanët me fluturim të ulët si dhe 2000 “Javelins” me të cilat mund të goditen tanket e armikut, të cilat qeveria ukrainase i ka kërkuar tash e sa kohë, raporton bbc.

https://youtu.be/wsB1tJdI9F4?t=23

Për herë të parë, SHBA do t’i dërgojë Ukrainës edhe 100 dronë taktikë “të modelit të fundit” për t’i përdorur si raketa kundër tankeve armike ose pozicioneve të artilerisë.

Armët e tjera të listuara në paketë janë pushkë, pistoleta, mitralozë, pushkë gjahu dhe granatahedhës.

Lexo po ashtu Biden ndan 800 milionë dollarë më shumë për Ukrainën - 800 sisteme kundërajrore dhe raketa antitank

Administrata po dërgon gjithashtu parzmore, helmeta dhe më shumë se 20 milionë fishekë në Kiev.

Shtëpia e Bardhë thotë se nivelet e saj aktuale të ndihmës ushtarake për Ukrainën janë “më shumë seç kishim dhënë ndonjëherë më parë”. /Telegrafi/

https://www.youtube.com/watch?v=ENiGrxYZY-g