Luka Modric, një dëshirë për të rinovuar, por ende nuk ka marrëveshje

Luka Modric këtë vit mbush 37 vjeç, por duket se në trupin e ti duket se është një futbollisti i ri.

Ai mbërriti në Real Madrid në vitin 2012 dhe nuk ka asnjë shenjë se do të largohet edhe pse kontrata e tij përfundon më 30 qershor.

Pas një marrëveshjeje verbale që u arrit në fillim të këtij viti, negociatat nuk kanë përparuar dhe skuadrat më të mëdha të Evropës po presin të shohin se si do të zhvillohet situata.

Mendësia sulmuese e Modric dhe dëshira për të mos u dorëzuar ishte çelësi për rikthimin e Real Madridit në Ligën e Kampionëve kundër Paris Saint-Germain.

Goli i dytë për Real Madrid ishte një shembull i përsosur i cilësisë së Modric, pasi ai e fitoi topin dhe e udhëhoqi përpara 40 metra, përpara se të zgjidhte Vinicius Junior, i cili e ktheu topin te kroati, i ai më pas asistoi te Karim Benzema.

Lider i dhomës së zhveshjes

Real Madridi është i vetëdijshëm për rëndësinë e lidershipit të Modric. Mesfushori sillet sikur të ishte kapiten dhe e ka dëshmuar këtë disa herë.

Rinovimi i kontratës merret si i mirëqenë. Dymbëdhjetë muaj më parë, Modricit iu deshën pesë minuta për të vazhduar kontratën me Real Madridin. Këtë herë, Modric e ka pranuar se dëshiron të qëndrojë, por ai dhe klubi ende nuk kanë vendosur stilolapsin në letër dhe një shtrëngim duarsh ende pret.

Kupa e Botës në horizont

Modric është ende duke luajtur në një nivel jashtëzakonisht të lartë dhe është e vështirë ta shohësh atë të përshtatet me një skuadër tjetër ashtu si në Real Madrid. Ai vlerësohet shumë nga Los Blancos dhe fansat e tyre, të cilët e shohin atë si një idhull.

Botërori i Katarit është një tjetër objektiv i madh për Modric, pasi ai vazhdon të tërheqë vëmendjen e klubeve të tjera në Evropë, të cilët presin një njoftim për rinovimin e kontratës së tij.

Modric është paraqitur në 32 ndeshje këtë sezon, duke ndikuar pothuajse në të gjitha, kështu që nuk ka asnjë arsye pse ai të mos vazhdojë. /Telegrafi/