Benzema: Mund të jetë sezoni im më i mirë te Real Madridi – pa shokët e skuadrës nuk arrihen trofetë

Dy ditë pas het-trikut të tij, Karim Benzema rishikoi në televizionin e klubit ku foli për rikthimin e madh të Real Madridit kundër PSG-së, në të cilin ai u konsideruar si hero i Los Blancos.

Nata u bë edhe më e veçantë për Karimin, i cili i së bashku me skuadrën kaloi në çerekfinale, por në nivelin personal, ai kali Alfredo Di Stefanon si golashënuesi i tretë më i mirë në historinë e Real Madridit me 309 gola.

Sulmuesi i madh francez ka folur për arritjet e tij dhe gjithçka tjetër që po kalon këtë sezon.

Kujtimet e asaj nate të madhe: “Ishte një natë e paharrueshme, për kualifikimin, për atmosferën, për golat, për rikthimin…”.

🙌 #NuevaFotoDePerfil 🙌 pic.twitter.com/hXiqg7vXqw

— Real Madrid C.F. (@realmadrid) March 10, 2022

Heroi në rikthim: “Jam i lumtur dhe krenar, por ishte përpjekja e gjithë ekipit, e atyre që ishin në fushë, e atyre që nuk mundën të hynin, e shokëve të skuadrës, e trajnerëve… Ishte një natë magjike për të gjithë”.

Shpirti i rikthimit: “Kam pasur një parandjenjë për këtë ndeshje. Pas ndeshjes së parë isha tashmë i përgatitur dhe i fokusuar për ndeshjen e dytë. Të gjithë e nisëm lojën me shumë entuziazëm dhe të gatshëm për të luajtur një ndeshje të madhe. Kemi shumë besim tani pasi mundëm PSG-në”.

✨ 𝙍𝙀𝙎𝙐𝙈𝙀𝙉 ✨
🆚 @realmadrid 3-1 @PSG_espanol
💪 ¡REMONTADA ÉPICA!#UCL pic.twitter.com/dmXw7pi59G

— Real Madrid C.F. (@realmadrid) March 10, 2022

Ndeshja e tij më e mirë me Los Blancos:  “Nuk e di nëse është një nga ndeshjet e mia më të mira me Madridin, më kujtohet edhe finalja e Ligës së Kampionëve kundër Liverpoolit… Ishte një lojë shumë e madhe, por jo vetëm e imja, për të gjithë”.

Sezoni i tij më i mirë: “Mund të jetë, sepse çdo vit dua të përmirësoj atë të mëparshmin”.

Golashënuesi i tretë më i mirë në klub:  “Të kalosh Di Stefanon është një ëndërr sepse ai është një legjendë e Real Madridit. Më kujtohet përqafimi që më bëri në prezantimin tim me Real Madridin. Të jem në nivelin e tij më bën shumë të lumtur dhe më jep më shumë forcë për t’u ngritur. Mbaj mend që ai më tha: ‘Shijoje këtë klub të madh’”.

👕🤝 Camiseta conmemorativa como tercer máximo goleador de la historia del Real Madrid.
3️⃣0️⃣8️⃣ Di Stéfano
3️⃣0️⃣9️⃣ @Benzema #RealFootball pic.twitter.com/g9xf2gk7JP

— Real Madrid C.F. (@realmadrid) March 11, 2022

Rëndësia e ekipit: “Brenda një ekipi ka gjithmonë lojtarë që bëjnë diferencën, por ata nuk mund ta bëjnë vet. Nëse ekipi im është në më të mirën e tij, e di që do të jem edhe unë në më të mirën. Ne të gjithë kemi nevojë për njëri-tjetrin”.

Rritja si lojtar: “Unë punoj shumë çdo ditë, dhe tani më shumë se kurrë. Kam nënshkruar për të fituar tituj, nuk e mendoja se do të shënoja kaq shumë gola. Gjithmonë kam dashur të jem në kujtimet e njerëzve dhe mendoj se jam në rrugën e duhur”.

😍💬 pic.twitter.com/Ux3zmmKGXJ

— Real Madrid C.F. (@realmadrid) March 10, 2022

Një shenjë në Madrid: “Doja të kisha sukses në Madrid dhe pak nga pak po shkoj në drejtimin e duhur. Ndihem si në shtëpinë time, më pëlqen Madridi dhe njerëzit. Më pëlqen çdo ditë këtu”.

/Telegrafi/