Roma fiton ndeshjen e fortë ndaj Atalantas dhe i afrohet vendit të katërt

Roma ka fituar me rezultat minimal 1-0 në ndeshjen e tyre në shtëpi ndaj Atalantas në takimin e vlefshëm për javën e 28-të në Serie A.

Ekipi i Jose Mourinhos ka vazhduar serinë pozitive në kampionat, duke u marrë fitoren e radhës dhe duke vazhduar ngjitjen në tabelë.

Pjesa e parë e ndeshjes u karakterizua me lojë të mirë dhe të fortë nga të dyja skuadrat, por me vendasit për një nuancë më të mirë duke shënuar edhe një gol.

Goli i vetëm në këtë pjesë erdhi në minutën e 32-të dhe ishte sulmuesi Tammy Abraham, i cili shënoi për 1-0 pas asistimit të Nicolo Zaniolos.

⏸️ Halfway stage here in Rome.

Tammy Abraham's 20th goal of the season is the difference between the two sides right now…#ASRoma #RomaAtalanta pic.twitter.com/gGq38AAK9k

— AS Roma English (@ASRomaEN) March 5, 2022

Në pjesën e dytë, u zhvillua lojë më e barabartë, por më e vakët për nga rastet dhe me mysafirët për një nuancë më të mirë në kërkim të barazimit.

Megjithatë, në këtë pjesë edhe përkundër disa tentimeve nga të dyja skuadrat, portat mbeten të paprekura dhe ndeshja u mbyll me fitoren e Romës 1-0.

BIG WIN SECURED ✅

Tammy Abraham makes all the difference once again to decide today's game at the Olimpico!

🟡🔴 DAJE ROMA! 🔴🟡#ASRoma #RomaAtalanta pic.twitter.com/e3XI01M6sV

— AS Roma English (@ASRomaEN) March 5, 2022

Vlen të theksohet se në minutat shtesë të dy ekipet mbeten pa një lojtarë, pasi Marten de Roon dhe Henrikh Mkhitaryan u ndëshkuan me të kuq, pas dy të verdhëve.

Pas kësaj fitore, Roma e sheh veten në pozitën e pestë me 47 pikë, po aq sa ka Atalanta e gjashtë, ndërsa kanë tri pikë më pak se Juventusi i katërti.

Në ndeshjen e radhës, Giallorossët luajnë në udhëtim te Udinese, teksa Atalanta e pret Genoan. /Telegrafi/

Roma get the ball near their own box, make 2 passes and Tammy Abraham makes it 1-0 against Atalanta.

José Mourinho ball at its finest. pic.twitter.com/Te3aMRxDT8

— Iconic Mourinho🇵🇹 (@Iconic_Mourinho) March 5, 2022