Rreth 18 mijë armë iu dhanë rezervistëve ukrainas vetëm në rajonin e Kievit

Rreth 18 mijë armë me municion u janë shpërndarë rezervistëve vetëm në rajonin e Kievit që nga fillimi i pushtimit rus, sipas autoriteteve ukrainase.

Në një deklaratë të përbashkët, ministri i mbrojtjes Oleksiy Reznikov dhe Valeriy Zaluzhniy, shefi i shtabit të Forcave të Armatosura, thanë se do të vijnë më shumë armë.

Lexo po ashtu Gjithçka që ndodhi në katër ditët e para të agresionit rus në Ukrainë

“Së shpejti do të marrim mbështetje shtesë me armë moderne dhe burime të tjera nga partnerët tanë”, thanë ata, raporton cnn.

Dje, presidenti ukrainas Volodymyr Zelensky urdhëroi një mobilizim të përgjithshëm ushtarak.

Zelensky tha se “për të garantuar mbrojtjen e shtetit, për të ruajtur gatishmërinë luftarake dhe mobilizuese të Forcave të Armatosura të Ukrainës dhe formacioneve të tjera ushtarake”, u urdhërua një mobilizim me bazë të gjerë, duke përfshirë në kryeqytet, Kiev.

Lexo po ashtu Zbulohet plani gjashtë pikësh i Putinit për Kievin - rezultati final, ndarja e Ukrainës si dy ish-Gjermanitë

Kjo përfshinte ndalimin e daljes nga vendi të të gjithë shtetasve meshkuj nga 18 deri në 60 vjeç, sipas Shërbimit Shtetëror të Rojës Kufitare.

Mobilizimi udhëzoi gjithashtu “rekrutimin e rekrutëve, rezervistëve për shërbimin ushtarak, dërgimin e tyre në njësitë ushtarake dhe institucionet e Forcave të Armatosura të Ukrainës” dhe shërbime të tjera të sigurisë shtetërore. /Telegrafi/

Weapons are being distributed to #Ukrainians volunteering to fight the Russian attack pic.twitter.com/z3R5myQQIf

— Michael A. Horowitz (@michaelh992) February 25, 2022