Inzaghi i nervozuar me lojtarët e Interit

Simone Inzaghi ishte shumë i zemëruar me lojtarët e Interit pas humbjes 2-0 në shtëpi ndaj Sassuolos.

Nerazzurrët e dinin se një fitore do t’i lejonte ata të kapërcenin Milanin dhe të rimarrin vendin e parë, por në vend të kësaj Giacomo Raspadori dhe Gianluca Scamacca shfrytëzuan maksimumin nga mbrojtja e ngadaltë për t’i dhënë Sassuolo një rezultat tronditës 2-0 në San Siro.

Vështirë se është një arritje e re, sepse Neroverdi tani ka fituar si mysafir ndaj Juventusit, Milanit dhe Interit këtë sezon, duke luajtur një rol të madh në garën e Scudettos.

“Jam shumë i zemëruar me qasjen, sepse kishim tre ditë që nga ndeshja e së mërkurës, folëm për faktin se Sassuolo mundi Juven dhe Milanin jashtë, ata luajnë futboll të shkëlqyeshëm dhe ne duhej të ishim të kujdesshëm”.

“Ne u përpoqëm të bënim gjithçka në pjesën e dytë, krijuam shumë raste dhe ishim të pafat, por fakti mbetet që ne duhet të kishim një qasje tjetër. Sassuolo kishte cilësi të shkëlqyera teknike, ata ishin më të freskët fizikisht dhe kjo u tregua”.

“Ne do të analizojmë situatën, e dimë se ka 13 ndeshje përpara, ne jemi të gjithë atje dhe duam të vazhdojmë përpara. Fakti është se një skuadër që dëshiron të fitojë Scudetton nuk mund të ketë qasje aq të gabuar sa ne sot”, ka shtuar më tej ai.

Në gjashtë ndeshjet e fundit të Serisë A, Interi kishte 110 goditje në portë dhe shënoi vetëm gjashtë herë, duke përfshirë 30 përpjekje për asnjë gol sot. /Telegrafi/