Maserati publikon “tejzerët” e rinj të Grecale që pritet të prezantohet në mars

Kompania italiane Maserati do të prezantoj “crossoverin” e ri Grecale në mars, kështu të paktën është bërë e ditur përmes “tejzerëve”.

Maserati fillimisht planifikoi prezantimin e Grecale gjatë vitit të kaluar, por kriza e mungesës së çipave si pasojë e pandemisë së coronavirusit ua prishi planet, dhe kështu pritet të ndodhë gjatë 22 marsit, transmeton Telegrafi.

Grecale do të jetë “crossoveri” i dytë i Maserati dhe se do të gjej vend nën modelin Levante. Kompania njoftoi datën e prezantimit së bashku me disa “tejzerë”, që paralajmërojnë se çfarë mund të presim nga modeli i ri.

Dizajni i Grecales kurrë nuk ka qenë ndonjë sukses i madh, pasi kamuflazhi ka fshehur pak gjëra. “Tejzer” të brendësisë nuk ka, por dihet që ka ekrane dhe një dizajn sportiv.

Motori akoma mbete mister, por nuk pritet të ketë gamë të gjerë të tyre. Maserati synon të ofrojë edhe versionin elektrik duke mos dhënë detaje.

Flitet që Maserati do të përdor motor 2,9 litërsh V6 që e vë në lëvizje Alfa Romeo Stelvio Quadrifoglio që prodhon 502 kuaj-fuqi. /Telegrafi/