Deklarata e Djokovicit se nuk është kundër vaksinimit, porse nuk do të vaksinohet – ka nxitur reagime të shumta në rrjetet sociale

Novak Djokovic ka thënë se më mirë do t’i humbë trofetë e ardhshme në tenis, sesa të detyrohet që ta marrë vaksinën kundër COVID-19.

Në një intervistë ekskluzive për BBC, tenisti ka theksuar se nuk do të bashkohet me lëvizjet kundër vaksinimit, mirëpo e ka mbështetur të drejtën individuale për të zgjedhur

Ai është pyetur nëse do ta sakrifikonte pjesëmarrjen në turnetë e tillë, si Wimbledon e French Open, për shkak të qëndrimit të tij në lidhje me vaksinën.

“Po, ai është çmimi që jam i gatshëm ta paguaj”, ka deklaruar fituesi i njëzetfishtë i Grand Slam, i cili u deportua nga Australia në muajin e kaluar, pasi qeveria e atij vendi ia anuloi vizën për shkak të problemeve në lidhje me statusin e tij të vaksinimit

“Nuk kam qenë kurrë kundër vaksinimit”, ka thënë Djokovic për BBC duke konfirmuar se i ka marrë vaksinat e fëmijërisë, “por gjithmonë e kam mbështetur lirinë e zgjedhjes për atë që fut në organizmin tënd”.

Ndërkohë në rrjetet sociale nuk kanë munguar reagimet dhe talljet në adresë të tij lidhur me këto komente.

We're not an airline but we do fly planes #Djokovic pic.twitter.com/ynYkvQu10z

— Ryanair (@Ryanair) February 15, 2022

“Ne nuk jemi një kompani ajrore, por kryejmë fluturime”, është postimi i kompanisë ajrore Ryanair.

“Unë nuk jam udhëtar, por udhëtoj shpesh”; “Unë nuk jam profesor, thjesht hulumtoj, shkruaj, mësoj dhe shkoj në mbledhje të pafundme administrative (në rend të kundërt)” – janë disa prej postimeve.

Në anën tjetër ka pasur edhe të tillë që e kanë mbështetur qëndrimin e Djokovicit për të zgjedhur që  të mos e marrë vaksinën anti-COVID. /Telegrafi/

I'm not a traveler, but I fly a lot. 👋🏻 pic.twitter.com/Utb3s1aeIZ

— BarbaFolgoreJu (@barbaJJ_ju) February 15, 2022

I am not a professor, I just research, write, teach and go to endless administrative meetings (in reverse order) https://t.co/fiHeo2V3uH

— Florian Bieber (@fbieber) February 15, 2022

Only people who can now vaccinate Novak #Djokovic #Modi pic.twitter.com/KVSRBWbdRt

— Pushp (@cricorcese) February 15, 2022