Teknologji Mobile

Karakteristikat e kamerave dhe baterisë së telefonave të rinj të Samsung Galaxy S22

Para 3 vitesh

Samsung ka tre telefona të rinj të serisë Galaxy S22 dhe ndërsa të gjithë kanë të njëjtin procesor të fuqishëm dhe të njëjtin softuer, ato vijnë me madhësi të ndryshme, me veçori të ndryshme dhe me bateri që zgjasin më shumë në modelet më të mëdha.

Vetëm duke parë sistemet e kamerës, është e qartë se si Ultra ka më shumë fuqi përmes sensorëve më të mëdhenj dhe një kamerë shtesë, të katërt.

Por, si zbërthehet e gjithë kjo për sa i përket specifikave të kamerës?

Ju merrni një version të përmirësuar të sensorit të njohur 108MP me një madhësi 1/1.33″ në Ultra kundrejt një sensori 50MP me një madhësi më të vogël, 1/1.56″ kundrejt dy modeleve të tjera. Të tre telefonat, megjithatë, ndajnë të njëjtin sensor ultra të gjerë 12 MP dhe të njëjtën lente zmadhimi 10 MP 3X. Ultra, më në fund, ka një lente periskopi me zmadhim 10X dhe mund të shkojë deri në 100X duke përdorur zmadhimin dixhital, ndërsa dy të tjerëve u mungon një lente zmadhimi me periskop.

Samsung në mënyrë specifike premton të “shpërthejë natën” me Ultra, dhe ne do të shohim nëse dy modelet e tjera S22 mund të përputhen me të. Së fundi, kompromisi më i madh që Samsung i është dashur të bëjë këtë vit është madhësia më e vogël e baterive në S22 dhe S22 Plus.

S22 është ai për të cilin jemi më të shqetësuar pasi tani vjen me një bateri 3,700 mAh, nga një bateri 4,000 mAh në S21. Versioni Plus përmban një bateri 4,500 mAh, gjithashtu një ulje nga 4,800 mAh në S21 Plus. Dhe vetëm S22 Ultra ka arritur të qëndrojë me të njëjtën madhësi, bateri gjigante 5,000 mAh.

Është shumë herët për të dhënë ndonjë përshtypje nga jeta reale, por ne do t’i testojmë telefonat në thellësi gjatë ditëve në vijim dhe do ta përditësojmë këtë seksion me testet tona të pavarura të baterisë.

Më në fund, për sa i përket shpejtësive të mbushjes, Samsung po rikthen shpejtësinë e mbushjes 45 W në S22 Ultra dhe S22 Plus, ndërsa S22 më i vogël do të kufizohet në shpejtësinë e mbushjes 25 W.

Mbani në mend se në kutinë me telefonat ju merrni vetëm një kabllo dhe do t’ju duhet të blini veçmas një mbushës. Gjithashtu, nëse planifikoni të merrni një mbushës 45 W, duhet të dini se ai vjen me një kabllo më të trashë në paketim, dhe vetëm me atë kabllo ju merrni shpejtësitë e plota 45 W, kështu që shmangni çiftimin e mbushësit 45 W me kabllon më të hollë në kuti (do të funksionojë, thjesht nuk do të merrni shpejtësinë e plotë të mbushësit 45 W).

Sigurisht, këta janë telefona kryesorë dhe gjithashtu marrin mbushës me valë. Shpejtësitë këtu janë 15 W në të trejat, dhe Samsung po prezanton gjithashtu mbushës të rinj me valë që mund t’i blini veçmas.

Mbushësi i kundërt me valë, ose PowerShare në gjuhën Samsung, është gjithashtu i disponueshëm në të tre, kështu që ju mund t’i përdorni këta telefona si një lloj banke energjie pa tel. /Telegrafi/