Ekrani i ri i LG-së “shtrihet nga 12 në 18 inch” – pa humbur cilësinë

LG Display Co., prodhuesi kryesor i ekraneve në Korenë e Jugut nën LG Electronics Inc., ka zhvilluar ekranin e parë të industrisë që mund të “shtrihet” me 50% nga madhësia e tij origjinale pa shtrembërim të imazhit, njoftoi kompania të dielën.

Ky është një përmirësim i rëndësishëm nga prototipi i mëparshëm i ekranit të shtrirë të kompanisë i zbuluar në 2022, shkruajnë mediat e huaja, përcjell Telegrafi.

Paraardhësi u zgjerua nga 12 inç në një maksimum prej 14 inç, duke ofruar shtrirje 20%.

Por përmirësimi i fundit mund të shtrihet nga 12 inç në 18 inç, sipas kompanisë, duke pohuar se fleksibiliteti i tij është më i miri i industrisë.

Kompania tha se versioni më i ri mund të zgjatet, paloset dhe shtrembërohet pa dëmtuar rezolucionin e tij 100 piksel për inç (PPI) dhe RGB me ngjyra të plota, duke rritur pritshmëritë për komercializimin e tij.

Ekranet “që shtrihen” konsiderohen si një ekran i gjeneratës së ardhshme falë faktorit të tyre të formës së lirë që siguron shkathtësi më të madhe në dizajn dhe aplikime sesa teknologjia e ekranit “të palosshëm ose të rrotullueshëm”. /Telegrafi/