Eurodeputetët francez pro-rus ‘mysafir’ të Milorad Dodikut në ceremonisë anti-kushtetuese në Republika Srpska

Dy eurodeputetë francezë të ekstremit të djathtë Thierry Mariani dhe Herve Juvin, do të marrin pjesë në cermoninë antikushtetues në Banja Luka, që shënojnë krijimin e entitetit të Republika Srpska dhe fillimin e gjenocidit boshnjak.

Mariani dhe Juvin janë anëtarë të Frontit Kombëtar të krahut të djathtë Marine Le Pen. Ata njihen për qëndrime pro-ruse.

Mariani dhe Juvin janë pritur në takim nga Milorad Dodik, i cili njihet për lidhjet e tij me presidentin rus Vladimir Putin dhe atë serb Aleksander Vuçiq.

Së voni ndaj Dodik janë vendosur sanksione nga Shtetet e Bashkuara të Amerikës, për shkak të “aktiviteteve destabilizuese korruptive dhe përpjekjeve për të çmontuar Marrëveshjet e Paqes të arritur në Dejton të SHBA, të motivuara nga interesi i tij vetjak, të cilat kërcënojnë stabilitetin e Bosnjës e Hercegovinës dhe të të gjithë rajonit”.

Ndaj vizitës së deputetëve francez ka reaguar edhe eurodeputetja franceze Nathalie Loiseau, e cila është kryetare e Nënkomisionit të Sigurisë dhe Mbrojtjes dhe ish-ministre për Çështjet Evropiane.

Përmes një shkrimi në Twitter, Loiseau ka shkruar se, “nxitimi te lideri serb i Bosnjës e Hercegovinës që kërcënon të shkëputet, ruan nacionalizmin dhe lavdëron kriminelët e luftës, kjo është zgjedhja e Thierry Marianit”.

La diplomatie du RN : se précipiter auprès du leader serbe de Bosnie qui menace de faire sécession, entretient le négationnisme et glorifie les criminels de guerre, voilà le choix de @ThierryMARIANI . @MLP_officiel , vous validez ? https://t.co/UAO1XxgquW

— Nathalie Loiseau (@NathalieLoiseau) January 8, 2022

Politologu boshnjak Jasmin Mujanoviq ka deklaruar se kjo vizitë realizohet mes “përpjekjeve të përtëritura për shkëputje nga Dodik. Sarajeva duhet të protestojë për praninë e tyre në Ambasadën franceze”.

Two French far-right MEPs will attend the unconstitutional Jan. 9 ceremonies in Banja Luka, marking the creation of the RS entity & onset of Bosnian Genocide. This amid renewed secession efforts by Dodik. Sarajevo should protest their presence to French Embassy. https://t.co/qIZQwdzFoT

— Jasmin Mujanović (@JasminMuj) January 7, 2022

Mariani njihet për lidhjet e tij me Rusinë, ku në vitin 2015 i shoqëruar nga zyrtarë rusë, ai bëri një udhëtim në Gadishullin e Krimesë, i cili u aneksua nga Rusia në vitin 2014.

Ndërsa, në vitin 2016, ai solli rezoluta jodetyruese në Asamblenë Kombëtare dhe Senatin duke i bërë thirrje Bashkimit Evropian të heqë sanksionet ekonomike kundër Rusisë. /Telegrafi/