Man City e nis vitin me fitore, triumfon me rikthim në ndeshjen e tensionuar ndaj Arsenalit

Manchester City ka arritur të fitojë në minutat shtesë me rezultat 2-1 në udhëtim te Arsenali në ndeshjen derbi të vlefshme për javën e 21-të në Ligën Premier.

City ka triumfuar me rikthim në ndeshjen e parë të vitit 2022 të zhvilluar në Emirates, duke çuar serinë e fitoreve në 11 ndeshje radhazi, ndërsa Arsenali humb pas katër fitoreve.

Ndeshja ishte shumë e tensionuar me raste-raste dhe shumë vendime të gjyqtarit ishin befasuese dhe të diskutueshme.

Pjesa e parë e ndeshjes u karakterizua me lojë shumë më të mirë të vendasve, të cilët krijuan më shumë, patën raste të mira dhe arritën të shënojnë edhe një gol.

Goli i vetëm në këtë pjesë erdhi në minutën e 31-të dhe ishte Bukayo Saka, i cili shënoi një gol të bukur për 1-0 pas asistimit të Kieran Tierney.

Në këtë pjesë pati edhe një rast të diskutueshëm pas një ndërhyrje të portierit Ederson në Martin Odegaard, por edhe përkundër rishikimit të VAR-it gjyqtari nuk akordoi penallti për vendasit.

A dominant first-half performance…

But a massive 45 minutes to go! ✊#ARSMCI

— Arsenal (@Arsenal) January 1, 2022

Në pjesën e dytë, Arsenali përsëri e nisi më mirë duke rrezikuar disa herë, por mysafirët u kthyen në lojë duke shënuar me anë të një penalltie po ashtu të diskutueshme, pas një ndërhyrje të Granit Xhakës në Bernardo Silvan.

Goli i barazimit për Qytetarët erdhi në minutën e 57-të me anë të Riyad Mahrez, i cili shënoi për 1-1, teksa para goditjes pati shumë protesta nga vendasit.

Në këtë minutë gjyqtari ndëshkoi me karton të verdhë Xhakën dhe mbrojtësin Gabriel, i cili vetëm dy minuta më pas u ndëshkua me të dytin të verdhë, respektivisht të kuqin duke e lënë Arsenalin me një lojtar më pak në fushë.

Në vazhdim, City e mori i gjithi dominimit dhe kontrollin e ndeshjes duke rrezikuar dhe tentuar deri në fund golin e fitores, por atë e arriti vetëm në minutat shtesë me anë të Rodri, i cili shënoi nga afërsia golin e fitores 2-1.

FULL TIME | Starting 2022 with a win! 🙌

What a game! 😅

🔴 1-2 🔵 #ManCity pic.twitter.com/LeE8chHOcz

— Manchester City (@ManCity) January 1, 2022

Pas kësaj fitore, Qytetarët e shohin veten në pozitën e parë me 53 pikë apo 11-të më shumë së vendi i dytë, ndërsa Topçinjtë renditen në pozitën e katërt me 35 pikë.

Në ndeshjen e radhës, Arsenali luan në udhëtim te rivali lokal Tottenhami, ndërsa City e pret Chelsean në derbin e javës. /Telegrafi/

3 years ago, Bukayo Saka made his EPL debut for Arsenal. Today, he scored our opener against Manchester City. Well deserved!

Arsenal 1-0 Manchester City #ARSMCIhttps://t.co/hD2YT4XC1o

— ArsenalVideo (@arsenal_video) January 1, 2022

BUT DE RIYAD MAHREZ CONTRE ARSENAL ! ⚽️⚡️https://t.co/Dx2dKWYX63

— Le Fennec (@LeFennecFC) January 1, 2022

RODRI FINISHES AND MAN CITY TAKE THE LEAD IN STOPPAGE TIME OVER ARSENAL‼️https://t.co/rdrbPVXhYY

— Fanatics Sportsbook (@FanaticsBook) January 1, 2022