Nëse do të udhëtoni, nga 28 dhjetori ndryshon gjithçka – disa vende evropiane kanë kushte të reja për të hyrë

Suedia është edhe një vend tjetër që ka paralajmëruar kufizime për të hyrë në këtë vend për pasagjerët e BE-së.

Nga 28 dhjetori e tutje, të gjithë pasagjerët që futen në këtë vend duhet të kenë me vete testin negativ të COVID-19, pavarësisht nëse janë vaksinuar.

Edhe shtatë vende tjera të BE-së (Portugalia, Irlanda, Qipro, Italia, Greqia e Austria) kërkojnë testin negativ për të gjithë të huajt që vijnë nga BE-ja, pavarësisht nëse janë vaksinuar apo jo.

Edhe Finlanda ka paralajmëruar se së shpejti do të ndjekë këta hapa, transmeton Telegrafi.

“Të gjithë pasagjerët me rastin e hyrjes në Suedi duhet të tregojnë testin negativ të coronavirusit, pa përjashtim nga cili vend vijnë. Kjo masë do të vlejë edhe për ata që janë vaksinuar apo janë shëruar nga COVID-19. Kjo masë nuk do të vlejë për personat më të ri se 12-vjeç, si dhe për pasagjerët me shtetësi suedeze apo ata që kanë leje qëndrimi në Suedi”, thuhet në kumtesë.

Vendimi është marrë për shkak të rritjes së raste me COVID-19 në mbarë botën – konkretisht me përhapjen e shpejtë të variantit të ri Omicron.

Ndryshe në fillim të kësaj jave, Komisioni Evropian ka vendosur që certifikatat e vaksinimit kundër COVID-19, do të vlejnë për vetëm nëntë muaj për udhëtime brenda vendeve të BE-së. /Telegrafi/