Laporta iu drejtohet fansave të Barcelonës pas eliminimit nga Liga e Kampionëve: Duhet të përforcohemi në janar dhe do ta bëjmë

Presidenti i FC Barcelona, Joan Laporta, doli në skenë pasditen e kësaj të premteje duke dhënë një mesazh të dyfishtë, pasi fillimisht tha se klubi po punon për përforcime këtë janar dhe në anën tjetër ka kërkuar unitet.

Me një video në rrjetet sociale që zgjat vetëm 36 sekonda, presidenti iu drejtua fansave pas eliminimit nga Liga e Kampionëve.

“Edhe unë ndaj zhgënjimin tuaj me ndeshjen e Ligës së Kampionëve. Të gjithë jemi dakord që duhet të përforcojmë ekipin e parë”, ka thënë fillimisht ai.

Despite the difficulties, we will strengthen the first team. Now more than ever, we have to row in the same direction, and do what's best for Barça. pic.twitter.com/TUbOTd3J21

— Joan Laporta Estruch🎗 (@JoanLaportaFCB) December 10, 2021

Megjithatë Joan Laporta e ka pranuar se nuk është e lehtë të marrësh lojtarë në afatin e janarit, pasi fillimisht Barcelona duhet të largojë lojtarë që të jenë në rregull me financat.

“Problemi është se ne kemi kontrata shumë të larta të trashëguara që nuk na japin mundës manovrimi me pagat. Ne po kërkojmë formulën për të përmirësuar ekipin këtë dimër. Po punojmë për ta arritur. Dhe do t’ia arrijmë”, deklaroi presidenti.

Today and always, força Barça! pic.twitter.com/t7jJwfTq6j

— FC Barcelona (@FCBarcelona) December 9, 2021

Më në fund, Laporta apeloi sërish tek bashkimi.  “Tani kërkoj që të gjithë të vozisim në të njëjtin drejtim për të mirën e klubit”, përfundoi ai me një me një falënderim dhe “Visca el Barça”.

Barcelona përveç eliminimit nga Liga e Kampionëve, po kalon formë të dobët edhe në La Liga. /Telegrafi/