Maldini premton blerje në janar: Do të përforcohemi në të gjitha repartet

Milani është eliminuar nga Liga e Kampionëve, pasi ka përfunduar në vendin e fundit në Grupin B ku ishin edhe Liverpool, Atletico Madrid dhe Porto.

Rossonerët tanimë nuk janë pjesë e grave evropiane dhe gjithë fokusin do ta kenë në Serie A dhe Kupën e Italisë.

Legjenda e klubit, Paolo Maldini është i vetëdijshëm se duhen përforcime në klub në çdo repart.

Lëndimi i mbrojtësit danez Simon Kjaer veç sa i ka vështirësuar gjërat për Milanin dhe për këtë Maldini e di se duhet gjetur zëvendësues.

“Nëse lëndohet një futbollist, është normale të mendohet për ta zëvendësuar. Edhe një lojtar i rëndësishëm si Kjaer mund të zëvendësohet, le të shohim se si”.

“Nuk do të jetë e lehtë të gjejmë dikë që luan në ato nivele dhe me vazhdimësi”, tha Maldini.

Ai tutje deklaroi se do të tentojnë të përforcohen edhe në mesfushë dhe në repartin ofensivë.

“Jemi të vetëdijshëm se kemi nevojë të përforcohemi në të gjitha repartet dhe ta shohim se çfarë do të ndodhë”, u shpreh Maldini. /Telegrafi/