50 Cent i kërkon falje Madonnës pasi u tall me fotot provokuese që 63-vjeçarja postoi në Instagram

50 Cent i kërkoi falje Madonës në Twitter pasi ai u tall me fotot që ajo postoi me të brendshme në Instagram.

Reperi i “Candy Shop”, 46 vjeç, emri i vërtetë i të cilit është Curtis Jackson, në një status në Twitter të enjten i ka kërkuar falje Madonna-s pasi ai u tall me koleksionin e fotove të saj në të brendshmeve që ajo postoi në Instagram gjatë festës së Ditës së Falënderimeve.

“Duhet t’i kem lënduar ndjenjat e Madonës, ajo shkoi dhe nxori një foto të vjetër të MTV-së nga viti 2003”, filloi ai.

“Ok, më falni nuk kam ndërmend të lëndoj ndjenjat tuaja. Unë nuk përfitoj nga kjo gjithsesi, thashë atë që mendova kur pashë foton për shkak të vendit ku e kisha parë më parë, shpresoj të pranoni faljen time,” shtoi ai, duke iu referuar krahasimit të një prej fotove të Madonnës me një foto në “The Wizard of Oz”.

Kërkim falja e tij vjen pasi Madonna, 63 vjeçe, reagoi publikisht ndaj artistit fituese të çmimit “Grammy” në InstaStory për tallje me sesionin e saj provokues fotografik – veçanërisht, një foto e këngëtares “Like A Virgin” duke pozuar me gjysmë e zhveshur. Në foto, Madonna nuk ka veshur asgjë tjetër veç çorape rrjetë, taka të zeza me platformë Louboutin dhe të brendshme të zeza, shkruan People.

View this post on Instagram

A post shared by Madonna (@madonna)

“Këtu është 50 Cent që pretendon të jetë miku im. Tani keni vendosur të flisni pak për mua. Mendoj se karriera juaj e re po merr vëmendje duke u përpjekur të poshtëroni të tjerët në mediat sociale. Zgjedhja më pak e ngritur që mund të bëni si artist dhe i rritur”, ka thënë Madonna.

“Kjo është Madonna nën shtrat që po përpiqet të bëjë si e virgjër (referuar këngës së saj “Like a Virgen”), në moshën 63-vjeçare”, kishte shkruar ndër tjera reperi në statusin që tashmë është fshi.

Madonna i kishte postuar fillimisht fotot në platformën e mediave sociale më herët në nëntor; megjithatë, Instagrami i hoqi ata pasi përcaktuan se shkelte politikën e tyre të lakuriqësisë, dhe ekspozimit të tepruar.

Madonna i ripostoi fotot më 25 nëntor, duke shtuar emoji për të mbuluar pjesën e trupit në fjalë, teksa ka bërë edhe një shkrim të gjatë rreth censurës dhe seksualizimit të trupave të grave. /Telegrafi/