“Fillo ta shpëtosh botën duke shpëtuar një jetë” – ekspertët mjekësorë flasin rreth muajit të ndërgjegjësimit për kancerin e gjirit
Kanceri i gjirit është lloji më i zakonshëm i kancerit te gratë, me përjashtim të kancerit të lëkurës.
Burrat gjithashtu mund të zhvillojnë kancer të gjirit, edhe pse është shumë më pak i zakonshëm sesa te gratë.
Nëse ju ose një i dashur diagnostikohet me kancer të gjirit, një nga gjërat e para që mund të bëni është të edukoni veten për sëmundjen dhe mundësitë e trajtimit në dispozicion.
Për t’ju sjellë më shumë informacione të duhura e të sakta, Telegrafi ka zhvilluar disa intervista me ekspertët më të mirë të fushës, të cilët do t’u përgjigjen pyetjeve më të rëndësishme në lidhje me sëmundjen.
Çfarë është kanceri i gjirit dhe simptomat e para të sëmundjes?
“Kanceri i gjirit është një nga malignomat më të shpeshta te gratë. E zë vendin e parë sa i përket shpeshtësisë, kurse vendin e dytë sa i përket vdekshmërisë pas kancerit të mushkërive. Zakonisht atakohen gratë mbi moshën 40 vjeçare. Mund të thuhet se çdo e teta grua preket nga sëmundja. Simptomat më të shpeshta janë: kokrra në gji, tërheqja e mamillës, rrjedhjet nga gjiri me fokus të veçantë te gjaku, rritja e gjëndrave limfatike në sqetulla, ndërrimi i formës dhe ngjyrës së lëkurës së gjirit”, tregon për lexuesit e Telegrafit prof. Emine Devolli-Disha.
View this post on Instagram
Kur duhet të fillohet me kontrolle dhe cilat janë ato?
“Kontrollet e gjirit te femrat varen nga mosha. Rekomandimi më i shpeshtë është që së pari femrat të fillojnë me vetë kontroll, të jenë të vetëdijshme që duhet të kenë kujdes gjithmonë. Ekzaminimet me mamografi nga ana tjetër fillojnë pas moshës 40-45 vjeçare, për arsye se informatat që merren me anë të mamografisë te moshat e reja për shkak të dendësisë së gjirit janë shumë të vogla. Kontrollet para kësaj moshe bëhen me anë të ultrazërit të gjirit”, tha doktoresha Shkëndije Nuza.
A ekziston sensibilizim i mjaftueshëm i femrave në Kosovë dhe sa janë ato të kujdesshme për shëndetin e tyre?
“Senbilizim mungon përkundër punës të shumtë që bëjnë të gjitha institucionet përkatëse. Në bazë të të dhënave për qindja e grave që duan të kontrollohen është mjaft e vogël. Si klinikë para pandemisë janë mbajtur ligjërata me studentët në mënyrë që ata t’jua përcjellin mesazhin edhe familjarëve”, tregon ndër të tjera dr. Nuza.
Cilat mundësi trajtimi janë të disponueshme për kancerin e gjirit?
“Ekzistojnë disa trajtimi varësisht nga stadi i sëmundjes i cili përcaktohet nga: madhësisë së tumorit, gjëndrave limfatike dhe a është i përhapur kanceri edhe në organe e tjera. Disa metoda trajtimi janë: intervenimi kirurgjik, rrezatimi (radioterapia), kimioterapia, terapia hormonale dhe target terapia”, tha prof. Emine Devolli-Disha.
View this post on Instagram
Trajtimi kirurgjik
“Trajtimi kirurgjik është modaliteti i parë dhe më i suksesshmi deri më tani, nëse kanceri zbulohet me kohë kirurgjia bën mrekulli, pasi zbulimi i hershëm mundëson realizimin e kirurgjisë kursyese të gjirit, ku gjiri nuk largohet plotësisht por vetëm tumori dhe indet rreth tij me disa gjëndra relevante. Shpëton gjiri, shpëton gruaja dhe familja. Zbulimi i hershëm është motoja, thirrja dhe e vetmja shpresë deri më tani për shërim të suksesshëm”, tregon dr. Saudin Maliqi.
Për më shumë informacione dhe këshilla rreth sëmundjes ndiqeni videon më poshtë:
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City