Ibrahimovic bëhet golashënuesi i katërt më i vjetër në histori të Serie A

Zlatan Ibrahimovic është lojtari i katërt më i vjetër që ka gjetur rrjetën në Serie A, pasi sulmuesi i Milanit shënoi kundër Bolognas në moshën 40 vjeç e 23 ditë.

Çuditërisht, ishte një ndeshje me shumë ngjarje në Stadio Dall’Ara për suedezin, sepse ai gjithashtu siguroi një asistim për Davide Calabria dhe shënoi një autogol.

Në minutat e fundit, ai vulosi fitoren 4-2 të kuqezinjve ndaj Bolognas me një goditje të mirë me të brendshmen e këmbës së djathtë.

Lexo po ashtu Gjashtë gola, dy kartonë të kuq dhe Ibrahimovic që shënon në dy portat - Milani mposht me shumë vështirësi Bolognan

Ibrahimovic është lojtari i katërt më i vjetër që shënon në Serie A me 40 vjeç e 23 ditë mbi supe, përcjell Telegrafi.

Pietro Vierchowod ishte 40 vjeç e 47 ditë, legjendari Silvio Piola e gjeti rrjetën në moshën 40 vjeç e 131 ditë.

40 – Zlatan Ibrahimovic has become the fourth-oldest scorer in Serie A history (40 years and 20 days), prior today there were only three players with goals with at least 40 years in the Italian top-flight: Costacurta, Piola and Vierchowod. Unstoppable.#BolognaMilan pic.twitter.com/kcqa9cyXjf

— OptaPaolo 🏆 (@OptaPaolo) October 23, 2021

Mbajtësi i rekordit mbetet Alessandro Costacurta, i cili ishte 41 vjeç e 25 ditë kur realizoi një penallti në humbjen 3-2 të Milanit në shtëpi ndaj Udineses.

Ajo ndeshje më 19 maj 2007 ishte e fundit në karrierën e tij në Serie A para daljes në pension. /Telegrafi/