Trajneri i Southamptonit me fjalë të mëdha për Brojën: E kapi me dy duart shansin që ju dha

Armando Broja ka filluar të lë gjurmë ngadalë, por sigurt tek skuadra angleze Southampton.

Sulmuesi shqiptar u huazua te Southampton nga Chelsea, teksa vetëm javën e kaluar e nisi nga minuta e parë ndeshjen në Ligën Premier, ku edhe shënoi në fitoren 1-0 ndaj Leedsit.

Ditën e sotme, Southampton do të përballet me Burnleyn, teksa Broja mund ta nis përsëri ndeshjen nga fillimi.

Për ecurinë e futbollistit shqiptar ka folur edhe trajneri i skuadrës angleze, Ralph Hasenhuttl, duke e vlerësuar lartë paraqitjen e tij.

Trajneri austriak tha se shansi që ju dha Brojës, shqiptari e kapi me dy duart duke shënuar gol.

“Armando ka treguar se ka disa armë të cilat unë mund t’i përdor”, tha fillimisht Hasenhuttl.

“Për shkak të dëmtimit të Adams, iu dha shansi që të niste nga fillimi sfidën dhe mendoj që ai e kapi këtë shans me të dyja duart, kështu që le të shohim ndeshjen e sotme”, deklaroi trajneri austriak.

Broja ka shënuar një gol në elitën e futbollit anglez, teksa dy të tjerë në kuadër të EFL Cup. /Telegrafi/